រូបគំនូរផ្លូវការរបស់ អូបាម៉ា និងអតីតជំទាវទី១ បង្កប់អត្ថន័យយ៉ាងធំធេង

2018-02-13 02:29:53
ចំនួនមតិ 0 | ចំនួនចែករំលែក 0

ចន្លោះមិនឃើញ

វិចិត្រសាលរូបភាពជាតិ National Portrait Gallery ទើបតែបានដាក់បង្ហាញរូបគំនូរផ្លូវការ នៃអតីតប្រធានាធិបតីអាមេរិក លោក បារ៉ាក់ អូបាម៉ា និង អតីតជំទាវទី១ លោកស្រី Michelle Obama នៅថ្ងៃអង្គារ ទី១៣ ខែកុម្ភៈ ឆ្នាំ២០១៨ នេះ ដែលមនុស្សជាច្រើនរង់ចាំមើលអស់រយៈពេលជាយូរមកហើយ។

រូបគំនូររបស់អ្នកទាំង ២ ត្រូវបានគូរដោយវិចិត្រករនៅទីក្រុង New York លោក Kehinde Wiley និង អ្នកស្រី Amy Sherald នៅទីក្រុង Baltimore។ ពួកគេគឺជាជនជាតិអាមេរិកដើមកំណើតអាហ្វ្រិកដំបូងគេបង្អស់ ដែលត្រូវបានបង្គាប់ឲ្យគូររូបគំនូរផ្លូវការនៃមេដឹកនាំ សម្រាប់វិចិត្រសាលរូបភាពជាតិខាងលើ។

National Portrait Gallery គឺជាកន្លែងប្រមូលផ្ដុំរូបគំនូរផ្លូវការរបស់ប្រធានាធិបតីជាច្រើន សរុបជាង ១ ៦០០ ស្នាដៃ។

គួរបញ្ជាក់ថា រូបគំនូររបស់ត្រកូល អូបាម៉ា បានបង្កប់អត្ថន័យយ៉ាងធំធេង ដោយវិចិត្រករនិមួយៗសុទ្ធតែមានវិធីសាស្ត្រផ្សេងគ្នា ក្នុងការបង្ហាញពីមនុស្សស្បែកខ្មៅ។

យ៉ាងណាមិញ គំនូរខាងលើនឹងធ្វើឲ្យពលរដ្ឋអាមេរិកទទួលអារម្មណ៍ពីឥទ្ធិពលនៃវប្បធម៌ ក្រោយពេលលោក អូបាម៉ា កាន់តំណែងជាប្រធានាធិបតីអាមេរិកអស់រយៈពេលជាច្រើនឆ្នាំមកនេះ។ មិនតែប៉ុណ្ណោះ វានឹងកត់សម្គាល់នូវពេលវេលាដ៏សំខាន់មួយ នៅក្នុងកេរ្តិ៍ដំណែល និងប្រវត្តិសាស្ត្ររបស់អាមេរិកទៀតផង។

ការបង្ហាញរូបគំនូរនេះនឹងធ្វើឲ្យពលរដ្ឋអាមេរិក សង្ឃឹមថាអាចរស់នៅក្នុងប្រទេសមួយ ដែលពិតជាតំណាងឲ្យភាពសម្បូរបែបនៃប្រជាជនរបស់ខ្លួន៕