សារទាំង៣របស់ បារ៉ាក់ អូបាម៉ា មានគេចែករំលែកច្រើនបំផុត ប្រចាំឆ្នាំ២០១៧

2017-12-06 08:32:47
ចំនួនមតិ 0 | ចំនួនចែករំលែក 0

ចន្លោះមិនឃើញ

សារនៅលើបណ្ដាញសង្គម Twitter ចំនួន ៣ របស់អតីតប្រធានាធិបតីអាមេរិក បារ៉ាក់ អូបាម៉ា បានជាប់នៅក្នុងបញ្ជី សារដែលមានគេចែករំលែកច្រើនបំផុតទាំង៩ ប្រចាំឆ្នាំ២០១៧ «The 9 Most Retweeted Tweets of 2017»។

សារទី១ លោក អូបាម៉ា បានភ្ជាប់ជាមួយរូបថតមួយសន្លឹក ដោយសរសេរថា «គ្មាននរណាម្នាក់កើតមកស្អប់មនុស្សណាម្នាក់ ដោយសារតែពណ៌សម្បុរ ឬ ប្រវត្តិ ឬ សាសនារបស់គេឡើយ»។ សារនោះទទួលបានចំនួន Like រហូតដល់ទៅជាង ៤,៥លាន និងការចែករំលែក (Retweet) ដល់ទៅជាង ១,៧លានដង។

សារទី២ ដែលបានបង្ហោះដោយអតីតប្រធានាធិបតី ទី៤៤ រូបនេះ បានសរសេរថា «អរគុណអ្នកសម្រាប់អ្វីគ្រប់យ៉ាង។ សំណូមពរចុងក្រោយរបស់ខ្ញុំ គឺដូចជាសំណូមពរមុនដំបូងរបស់ខ្ញុំអីចឹង។ ខ្ញុំសំណូមពរឲ្យអ្នកជឿជាក់... មិនមែនលើសមត្ថភាពរបស់ខ្ញុំ ដើម្បីផ្លាស់ប្ដូរឡើយ ប៉ុន្តែគឺជឿជាក់លើសមត្ថភាពរបស់អ្នក»។ សារនោះទទួលបានចំនួន Like រហូតដល់ទៅជាង ១,៨លាន និងការចែករំលែក (Retweet) ដល់ទៅជាង ៨សែនដង។

ចំណែកឯសារទី៣ ដែលបានបង្ហោះនៅថ្ងៃទី២០ ខែមករា ពោលគឺថ្ងៃដែលប្រធានាធិបតីអាមេរិកថ្មី លោក ដូណាល់ ត្រាំ ចូលកាន់តំណែង បានសរសេរថា «វាជាកិត្តិយសក្នុងជីវិតរបស់ខ្ញុំ សម្រាប់ការបម្រើអ្នក។ អ្នកធ្វើឲ្យខ្ញុំក្លាយជាអ្នកដឹកនាំ និងមនុស្សល្អប្រសើរជាងមុន»។ សារនោះទទួលបានចំនួន Like រហូតដល់ទៅជាង ១,៦លាន និងការចែករំលែក (Retweet) ដល់ទៅជាង ៦សែនដង៕