មិននឹកស្មានថា ពេលកាន់តំណែង ២អាណត្តិ អូបាម៉ា ចំណាយលុយធ្វើដំណើរ ច្រើនដល់ម្លឹង

2017-11-29 00:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

យោងតាមឯកសារដែលទទួលបានដោយអង្គការឃ្លាំមើល Judicial Watch បានឲ្យដឹងថា ការធ្វើដំណើររបស់អតីតប្រធានាធិបតីអាមេរិក បារ៉ាក់ អូបាម៉ា បានចំណាយអស់លុយសរុបចំនួន ១១៤លានដុល្លារ ក្នុងអំឡុងពេលកាន់តំណែងជាប្រធានាធិបតី ២អាណត្តិកន្លងទៅនេះ។

Judicial Watch បានទទួលឯកសារចំណាយនេះ ពីកងកម្លាំងទ័ពអាកាសអាមេរិក U.S. Air Force និង ភ្នាក់ងារសម្ងាត់ Secret Service តាមរយៈការស្នើសុំនៃច្បាប់ស្ដីពីសេរីភាពព័ត៌មាន (Freedom of Information Act ឬហៅកាត់ថា FOIA) និងបណ្តឹងរបស់ FOIA ចំនួន ២។

ក្នុងចំណោមដំណើរកម្សាន្តដ៏ធំរបស់ លោក អូបាម៉ា គឺ ការឈប់សម្រាកក្នុងអំឡុងពេលចុងសប្ដាហ៍ នៅថ្ងៃទី១៤ ខែកុម្ភៈ ឆ្នាំ២០១៤ ដែលចំណាយអស់លុយ ២៧២ ១៩២ដុល្លារ។

នៅចុងសប្ដាហ៍នោះ អតីតជំទាវទី១ លោកស្រី Michelle ក៏បានធ្វើដំណើរទៅទីក្រុង Aspen រដ្ឋ Colorado ជាមួយកូនស្រី ហើយបានបិទព្រលានយន្តហោះនៅទីនោះ ដោយចំណាយអស់លុយ ៨៨ ៦៦៣ដុល្លារបន្ថែមទៀត។ នៅចុងសប្ដាហ៍ដដែលនោះ លោក អូបាម៉ា បានធ្វើដំណើរទៅកាន់ទីលានវាយកូនគោល នៅទីក្រុង Palm Springs រដ្ឋ California និងបានជួបជាមួយស្ដេចហ្សកដានី King Abdullah II ដោយចំណាយអស់លុយ ១៨៣ ៥២៩ដុល្លារទៀត៕

ចុចអាន៖

ប្រភព៖ Newsweek ប្រែសម្រួល៖ សេង ឡុង