អូបាម៉ា បង្ហោះសារជូនពរ យ៉ាងខ្លីតែមានន័យ ដល់ព្រះអង្គម្ចាស់ Harry ដែលទើបភ្ជាប់ពាក្យ

2017-11-28 04:00:41
ចំនួនមតិ 0 | ចំនួនចែករំលែក 0

ចន្លោះមិនឃើញ

គ្រួសាររបស់លោក អូបាម៉ា បានចំណាយពេល កាលពីថ្ងៃច័ន្ទ ម្សិលមិញនេះ ដើម្បីអបអរសាទរដល់ព្រះអង្គម្ចាស់អង់គ្លេស Harry និងតារាសម្តែងស្រីអាមេរិក Meghan Markle នៅថ្ងៃភ្ជាប់ពាក្យរបស់ពួកគេ ខណៈប្រធានាធិបតីអាមេរិក ដូណាល់ ត្រាំ មិនទាន់បាននិយាយអ្វីជាសាធារណៈ ទៅកាន់គូស្នេហ៍ទាំង២នេះឡើយ។

អតីតប្រធានាធិបតីអាមេរិក លោក បារ៉ាក់ អូបាម៉ា បានបង្ហោះសារមួយនៅលើបណ្ដាញសង្គម Twitter ដោយជូនពរដល់ពួកគេ ឲ្យមានសុភមង្គលពេញមួយជីវិតជាមួយគ្នា។

«Michelle និង ខ្ញុំ សប្បាយរីករាយណាស់ ក្នុងការអបអរសាទរ ព្រះអង្គម្ចាស់ Harry និង Meghan Markle នៅថ្ងៃភ្ជាប់ពាក្យរបស់ពួកគេ។ យើងជូនពរឲ្យអ្នករីករាយ និងមានសុភមង្គលពេញមួយជីវិតជាមួយគ្នា»។ នេះបើយោងតាមសាររបស់អតីតប្រធានាធិបតី វ័យ៥៦ឆ្នាំរូបនេះ បានសរសេរនៅលើគណនីបណ្ដាញសង្គម ដែលមានចំនួន Follower រហូតដល់ទៅ ៩៧លាននាក់។

ការអបអរសាទររបស់លោក បានធ្វើឡើងបន្ទាប់ពីមានការប្រកាសជាផ្លូវការ កាលពីថ្ងៃច័ន្ទថា ព្រះអង្គម្ចាស់អង់គ្លេស ព្រះជន្ម៣៣ឆ្នាំអង្គនេះ បានភ្ជាប់ពាក្យជាមួយតារាសម្ដែងស្រី វ័យ ៣៦ឆ្នាំ Meghan Markle៕