ភ្ញាក់ផ្អើល! ស្ងាត់ៗ អាន គុណកូឡា ចេញបទថ្មីនៅផលិតកម្ម M (វីដេអូ)

2018-02-23 06:46:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្មីៗ អាន គុណកូឡា បានធ្វើឲ្យមហាជនមានការភ្ញាក់ផ្អើលយ៉ាង ក្រោយពីចេញបទចម្រៀងថ្មី ៣បទនៅផលិតកម្ម M ដែលជាទ្រនំចាស់ធ្វើឲ្យលោកមានកេរ្តិ៍ឈ្មោះល្បីល្បាញនាពេលកន្លងមក។

តាមប្រភពច្បាស់ការមួយបានឲ្យដឹងថា អាន គុណកូឡា បានបញ្ចប់កុងត្រាជាមួយផលិតកម្ម សាន់ដេ ហើយទើបលោក សម្រេចវិលទៅរកទ្រនំចាស់វិញ ដោយមិនរារែកចិត្តអ្វីទាំងអស់។ ការចូលវិលចូលផលិតកម្មចាស់នេះដែរលោក នឹងជួយឲ្យលោកមានសន្ទុះគាំទ្រឡើងវិញ។

ប្រភពដដែលបានអះអាងទៀតថា ផលិតកម្មM បានចាត់ទុក អាន គុណកូឡា គឺជាតារាចម្រៀងដែលពោរពេញទៅដោយសមត្ថភាព និងទេពកោសល្យល្អម្នាក់ ដែលផលិតកម្មងាយស្រួលក្នុងការលើកស្ទួយឲ្យលោកមានភាពល្បីល្បាញសាជាថ្មី នៅក្នុងដួងចិត្តមិត្តយុវវ័យ និងមហាជនមួយចំនួនតែងតែគាំទ្រលោក នាពេលកន្លងមក។

ជុំវិញរឿងរ៉ាវខាងលើ អាន គុណកូឡា ជាសាមីខ្លួនបានឲ្យដឹងថា នៅពេលនេះលោកបានវិលមកចូលផលិតកម្មM វិញហើយ ចំពោះការចាកចេញពីផលិតកម្មមួយទៅផលិតកម្មផ្សេងមួយទៀតវាមិនមែនជាជម្រើសល្អឡើយ ព្រោះវាអាចធ្វើឲ្យប៉ះពាល់ដល់ប្រជាប្រិយភាព ប៉ុន្តែការវិលមកផលិតកម្មចាស់នេះធ្វើឲ្យលោកមានភាពកក់ក្ដៅ ហើយសង្ឃឹមថា នឹងទទួលបានការគាំទ្រពីទស្សនិកជនឡើងវិញ។

ការវិលចូលផលិតកម្មចាស់សារជាថ្មី អាន គុណកូឡា បានចេញបទចម្រៀងOriginal Song ចំនួន៣បទហើយ ក្នុងនោះមានដូចជាបទ"សុំឱបមុនបែក" ជាបទចម្រៀងឆ្លងឆ្លើយ "ហត់" និងបទទី៣ "ខ្លាចពេលយប់"៕