អ្នកប្រើ Macbook ច្រើនម៉ោង កុំឲ្យឆាប់រោយភ្នែក មានតិកនិកអាចជួយបាន

2018-03-02 07:14:24
ចំនួនមតិ 0 | ចំនួនចែករំលែក 0

ចន្លោះមិនឃើញ

ពិតណាស់ Retina Display របស់ Macbook ធ្វើឲ្យអេក្រង់មើលទៅច្បាស់ល្អ តែ MacOS ក៏បានផ្ដល់ Settings មួយចំនួន ដើម្បីកែប្រែចំណុច មិនទាក់ចិត្តលើអេក្រង់ផងដែរ ដូចជា ទំហំអក្សរ ឬ Icon ជាដើម។

១. Scaled Resolution

Macs ប្រើអេក្រង់ប្រភេទ Retina Display មិនអាចបន្ថយកម្រិត Resolution ជាក់លាក់ ដើម្បីពង្រីកទំហំ អក្សរ និង Icon ដូច Laptop និង Display ដទៃនោះទេ។ នេះដោយសារ អាចធ្វើឲ្យបាត់បង់ភាពច្បាស់។

Retina Display ផ្ដល់ជម្រើសមួយហៅថា Scaled Resolutions ដើម្បីបង្កើនទំហំអក្សរ និង Icon។

អ្នកបើកកម្មវិធី System Preferences > Displays > ត្រង់ Tab ឈ្មោះ Display អ្នកមានជម្រើសពីរ Default for display និង Scaled ដែលស្ថិតនៅផ្នែកខាងលើ > ជ្រើសរើស Scaled > អាស្រ័យលើទំហំ Retina Display អ្នកនឹងមានជម្រើស ៤ ឬ៥ > អាចជ្រើសរើស Larger Text ដើម្បីងាយស្រួលអាន។

២. បង្កើនទំហំអក្សរ

បើអ្នកមិនមានអេក្រង់ប្រភេទ Retina Display ដូចជា Macbook Air ជាដើម អ្នកនៅតែអាចបង្កើនទំហំអក្សរបាន ផ្អែកលើកម្មវិធីមួយៗ។

កម្មវិធី Mail អ្នកចូលទៅកាន់ Mail > Preferences > Fonts & Colors > ចុចលើប៊ូតុង Select ក្បែរនឹង Message font > ជ្រើសរើសទំហំអក្សរធំជាង ១២។

កម្មវិធី Messages អ្នកចូលទៅកាន់ Messages > Preferences > General និង ចុចអូសប្ដូរ ប៊ូតុង Slider ទៅស្ដាំត្រង់ Text size។

លើកម្មវិធី Browser អ្នកអាចបង្កើនទំហំអក្សរដោយ ចុច Command + បន្ថយទំហំអក្សរដោយ ចុច Command - និងត្រលប់ទៅទំហំដើមដោយចុច Command 0។

៣. បង្កើនទំហំ អក្សរ និង Icons Desktop

បើ Desktop icons តូចពេក អ្នកអាចបង្កើនទំហំ ដោយចុច Mouse ស្ដាំលើផ្ទាំង Desktop > ជ្រើសរើស Show View Options > អ្នកនឹងឃើញជម្រើសពីរសំខាន់ Icon size និង Text size > អ្នកអាចផ្លាស់ប្ដូរទៅតាមការពេញចិត្ត។

៤. បង្កើនទំហំ Pointer

បើអ្នកគិតថា Cursor របស់ Mac អ្នកប្រើតូចពិបាកមើល អ្នកអាចបង្កើនទំហំ ដោយចូលទៅកាន់ System Preferences > Accessibility > Display និងចុចអូសប្ដូរប៊ូតុង Slider ទៅខាងស្ដាំ ត្រង់ Cursor size។

៥. បង្កើនពន្លឺអេក្រង់ដោយស្វ័យប្រវត្តិ

អ្នកអាចអនុញ្ញាតឲ្យ MacOS កែប្រែពន្លឺលើអេក្រង់ដោយស្វ័យប្រវត្តិដោយចូលទៅកាន់ System Preferences > Display > ត្រង់ចំណុច Display ចុចធីកយកលើប្រអប់ Automatically adjust brightness។

៦. Transparency និង Contrast settings

លើទំព័រ Accessibility មាន Settings ពីរក្នុង System Preferences ដែលអាចពិនិត្យមើលបាន។

អ្នកចុចលើ Display នៅផ្នែកខាងឆ្វេង > ចុចធីកលើប្រអប់ Increase contrast។ វានឹងធ្វើការបន្ថយកម្រិតថ្លារបស់ផ្ទាំង Window ហើយធ្វើឲ្យស៊ុមបន្ទាត់ប៊ូតុង, Tabs ព្រមទាំងធាតុដទៃទៀតមើលបានច្បាស់។

អ្នកអាចសាកចុចធីកលើប្រអប់ Reduce transparency ដើម្បីមើលពីភាពខុសប្លែកក្នុងការជ្រើសរើស។

៧. Night Shift

Apple មានមុខងារ Night Shift ដែលជួយកែពន្លឺអេក្រង់ទៅជាលក្ខណៈស្រទំ ងាយស្រួលមើល ជាពិសេសពេលល្ងាច ឬយប់។ អ្នកចូលទៅកាន់ System Preferences > Display > ចុចលើ Tabs ឈ្មោះ Night Shift > អ្នកអាចចុចប៊ូតុងអូសកំណត់ភាពស្រទំត្រង់ Color Temperature ហើយកំណត់ពេលវេលាដំណើរការត្រង់ Schedule និង Manual៕