ចង់ទិញ GoPro មែនទេ? គិតច្បាស់នៅ?

2018-03-01 02:43:21
ចំនួនមតិ 0 | ចំនួនចែករំលែក 0

ចន្លោះមិនឃើញ

បើនិយាយពីការថតរូប Action គ្រប់គ្នាប្រហែលគិតដល់កាមេរ៉ា GoPro។ នេះដោយសារកត្តា រូបរាង ភាពងាយស្រួល សមត្ថភាពផលិតផលមួយនេះតែម្ដង។

ក្រុមហ៊ុនជាច្រើនដូចជា Sony, Nikon, Tom Tom និង Garmin បានចេញកាមេរ៉ាប្រភេទ Action ដែរ តែហាក់មិនសូវត្រូវប៉ាន់ពីសំណាក់អ្នកប្រើប្រាស់។

មនុស្សជាច្រើនប្រើ GoPro ថតវីដេអូសកម្មភាពជិះស្គី ជិះម៉ូតូ ជិះកង់ ហែលទឹក ឬភ្ជាប់លើ Drone ថតទិដ្ឋភាពពីលើអាកាស។ GoPro ត្រូវបានគេស្គាល់ច្រើនជាកាមេរ៉ា Action កម្រិត HD តែកុំភ្លេចថា កាមេរ៉ា DSLR, Compact ឬកាមេរ៉ាស្មាតហ្វូន ក៏មានសមត្ថភាពល្អដែរ។

ចុះកត្តាអ្វីដែលជុំវិញឲ្យ GoPro នៅតែលេចធ្លោលើកាមេរ៉ាប្រភេទ Action នេះ។

អ្វីជាកាមេរ៉ាប្រភេទ Action

កាមេរ៉ាប្រភេទ Action ទូទៅមានទំហំតូច ស្រាល ធន់ក្នុងការប្រើប្រាស់។ វាអាចសឹងតែក្ដាប់ក្នុងដៃបាន ហើយអាចថតស្ទើរតែគ្រប់ស្ថានភាព សូម្បីតែក្នុងទឹក។

GoPro អាច

ជ្រមុជក្នុងទឹកបាន ១០ ម៉ែត្រ ឬ ៦០ ម៉ែត្រ ពេលប្រើប្រអប់។
អាចថតវីដេអូមាន Resolution ខ្ពស់ ដោយផ្ទុកក្នុង MicroSD Card។
អាចថតរូបភាពមានគុណភាពល្អ
អាចប្រើភ្ជាប់នឹងឧបករណ៍ផ្សេងៗ ងាយស្រួលគ្រប់គ្រងកាមេរ៉ាក្នុងស្ថានភាពនានា។

តែក៏មានដែនកំណត់ខ្លះដែរ

ដោយសារមានតួខ្លួនតូច និងមុខងារការពារជម្រាបទឹក Focal length របស់GoPro Lens មានដែនកំណត់។
គ្រប់យ៉ាងថតក្នុងកម្រិតលំហរធំ (Ultra-wide) នឹងបន្ថែមលក្ខណៈទាញរីកនៅគែម Frame។

បច្ចុប្បន្ន កាមេរ៉ា GoPro ជំនាន់ក្រោយៗដែលលេចធ្លោ មាន Hero 6 Black, Hero 5 Black, Hero 5 Session និង Fusion (កាមេរ៉ា ៣៦០ ដឺក្រេ)។

អ្នកអាចស្វែងយល់បន្ថែមពីលក្ខណៈសម្បត្តិ ក្នុងអត្ថបទទាំងនេះ៖

ណែនាំឲ្យស្គាល់!កាមេរ៉ាថតមុខ ឃើញក្រោយរបស់លេងថ្មីសម្រាប់ Vlogger

ក្តៅៗ!!! GoPro Hero 6 បង្ហាញខ្លួនផ្លូវការ ដំណើរការលឿនជាងមុន ៣ ដង

GoPro Hero 5 ចេញថ្មី អាចប្រើក្នុងទឹកជម្រៅ ១០ ម៉ែត្រ មិនប្រើស្រោម

កាន់ GoPro រាល់ថ្ងៃ ចុះដឹងអត់សាកថ្មមួយពេញ អាចថតវីដេអូបានប៉ុន្មានម៉ោង?

@ចុះជម្រើសផ្សេងទៀតក្រៅពី Go Pro៖

ស្មាតហ្វូន

ស្មាតហ្វូន អ្នកយកតាមខ្លួនប្រើសឹងរាល់ថ្ងៃ ងាយស្រួលថតរូប ឬវីដេអូភ្លាមៗ ខណៈបច្ចេកវិទ្យាកាមេរ៉ាកាន់តែល្អប្រសើរ។

ជាទូទៅ ស្មាតហ្វូនដែលមានកាមេរ៉ាល្អ មានតម្លៃថ្លៃ ហើយការថតរូបលក្ខណៈសកម្មភាពមិនមែនជាមុខងារចម្បងសម្រាប់ស្មាតហ្វូននេះទេ។ វាមានអេក្រង់ធំ ងាយស្រួលបែកពេលធ្លាក់ ហើយការកាន់ថតទីសាធារណៈក៏មិនមែនជម្រើសសុវត្ថិភាពផងដែរ។

កាមេរ៉ា Compact

កាមេរ៉ា Compact មានតម្លៃថ្លៃគួរសមដែរ ទៅតាមម៉ូដែល ដោយផ្ដល់មុខងារល្អៗ រួមមាន Manual settings, ថតបានល្អក្នុងស្ថានភាពងងឹត និងផ្ដល់កម្រិត Focal length ធំ។

អ្នកអាចយកកាមេរ៉ា Compact ថតនៅខាងក្រៅបាន តែគួរមានការប្រយ័ត្នប្រយែងខ្ពស់ ពិសេសលើទីតាំងមានធូលីដីច្រើន ឬសើម។ ហានិភ័យទាំងនេះ GoPro អាចជាជម្រើសដ៏ល្អ។

កាមេរ៉ា DSLR

កាមេរ៉ា DSLR ផ្ដល់កម្រិតគ្រប់គ្រងច្រើនចំពោះការថតរូប រួមមាន Manual mode, Video និង Photo settings ព្រមទាំងមានជម្រើស Lens ល្អៗជាច្រើន។

កាមេរ៉ាប្រភេទនេះ ផ្ដល់រូបភាពមានគុណភាពល្អ ទោះជាស្ថិតក្នុងស្ថានភាពងងឹត។ នេះដោយសារមាន Image sensor ធំ និង Lens មានគុណភាពខ្ពស់។ អ្នកអាចកំណត់ Shutter speed, Aperture, ISO និង White balance ដើម្បីជំនួយដល់រូបភាពពេលថតជាក់ស្ដែង។ កាមេរ៉ាមានមុខងារការពារធូលីដី និងមានជម្រើសប្រអប់ការពារជម្រាបទឹកជាច្រើន។

តែ កាមេរ៉ានេះធំ មានទម្ងន់ធ្ងន់គួរសមដែរ ហើយបើអ្នកប្រើដៃម្ខាងថត ជឿថា មិនបានយូរនោះទេ។ រីឯតម្លៃ ក៏ថ្លៃគួរសមដែរ។ ហើយបើប្រើនៅស្ថានភាពមានហានិភ័យខ្ពស់ ប្រហែលជាអ្នកគួរជៀសវាងយកទៅប្រើ។

កាមេរ៉ា Mirrorless ឬ Bridge

កាមេរ៉ា Mirrorless ជាជំនាន់តូចរបស់ DSLR ដើម្បីតម្រូវទីផ្សារ។ កាមេរ៉ា Bridge

សាកសមសម្រាប់ជ្រើសរើសនៅចន្លោះម៉ូដែល Compact និង Mirrorless។
មានតម្លៃធូរថ្លៃជាង
Lens មិនអាចកែប្រែ កាមេរ៉ា Mirrorless
ជាជំនាន់តូចរបស់ DSLR
មានតម្លៃថ្លៃគួរសម
អាចផ្លាស់ប្ដូរ Lens បាន

កាមេរ៉ាថតវីដេអូ

Camcorder ដ៏ល្អមួយ ផ្ដល់គុណភាពវីដេអូប្រសើរជាង GoPro។ វាផ្ដល់នូវជម្រើសល្អៗ ដូចជា អាចពង្រីកបានកៀក ផ្ដល់គុណភាពរូបភាពល្អ ព្រមទាំងមានជម្រើសកំណត់ដូចជា Shutter speed, Aperture, ISO និង White balance។

តែ កាមេរ៉ានេះមានតម្លៃថ្លៃជាង ធំ ធ្ងន់ និងងាយស្រួលនឹងខូច ហើយការប្រើមិនសូវបានទូលំទូលាយដូច GoPro នោះទេ៕