Emma Watson បង្ហាញស្នាមសាក់គាំទ្រចលនា "Time's Up” ប៉ុន្តែមានបញ្ហា១

2018-03-05 23:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែង Emma Watson បានបង្ហាញស្នាមសាក់ "Time's Up” ដំបូងដើម្បីគាំទ្រចលនាប្រឆាំងការបៀតបៀនផ្លូវភេទ នៅឧស្សាហកម្មភាពយន្តហូលីវូដ។

តារាវ័យ២៧ឆ្នាំរូបនេះ បានបង្ហាញខ្លួននៅក្នុងកម្មវិធីជប់លៀង Vanity Fair Oscars ដែលចូលរួមដោយតារាល្បីៗជាច្រើន។ នៅពេលនោះនាងបានស្លៀកឈុតបង្ហាញដៃ ដែលទើបនឹងសាក់ថ្មីៗនូវពាក្យថា "Times Up”។ ជាអកុសលការសរសេររបស់ស្នាមសាក់របស់នាងគឺមានបញ្ហាបន្តិចបន្តួច ដោយសារ "Times Up” ត្រូវការសញ្ញាបន្តក់មួយគឺ "Time's Up”។

ទោះបីជាបញ្ហាបន្តិចបន្តួចពីស្នាមសាក់ Emma គឺជាតារាស្រីមួយរូបដែលបានចំណាយពេលវេលានិង ថវិកាជាច្រើនជាហូរហែ ដើម្បីជួយលុបបំបាត់នូវអំពើមិនសមរម្យដែលតែងតែកើតមាននៅវិស័យសិល្បៈ។ នេះដោយសារតែបញ្ហាស្រដៀងគ្នាបានកើតឡើងទៅលើនាង ពេលសម្ដែងនៅក្នុងរឿង "My Week With Marilyn” ជាមួយផលិតករ Harvey Weinstein ដោយបានបង្ហាញនៅលើរូបថតមួយពេលពួកគេចេញពីក្លឹបកម្សាន្តជាមួយគ្នានៅទីក្រុងឡុង បន្ទាប់ពីចូលរួមកម្មវិធីប្រគល់ពាន BAFTAs។