ប្ដីប្រពន្ធ Beyonce និង Jay-Z ចាប់ដៃគ្នាប្រគំតន្ត្រីទេសចរណ៍ថ្មីម្ដងទៀតហើយ!

2018-03-06 03:40:00
ចំនួនមតិ 0 | ចំនួនចែករំលែក 0

ចន្លោះមិនឃើញ

លើកនេះប្ដីប្រពន្ធ Beyonce និង Jay-Z រួមដៃគ្នាកើបលុយទៀតហើយ ដោយចាប់ដៃគ្នាប្រគំតន្ត្រីទេសចរណ៍។

បន្ទាប់ពីកាលបរិច្ឆេទតន្ដ្រីទេសចរណ៍ "On the Run 2” បានបង្ហាញខ្លួនក៏ប៉ុន្តែក៏បាត់ទៅវិញនៅលើបណ្ដាញសង្គម Facebook របស់តារាចម្រៀង Beyonce កាលពីថ្ងៃច័ន្ទ។ បើតាមប្រភពមួយប្រាប់សារព័ត៌មាន E! News ថាកំពូលតារាចម្រៀងប្ដីប្រពន្ធនេះ នឹងចូលរួមសម្ដែងតន្ត្រីទេសចរណ៍ជាមួយគ្នាជាថ្មីម្ដងទៀត។

កាលបរិច្ឆេទដែលបង្ហាញខ្លួនលើ Facebook

ប្រភពនោះបានបញ្ជាក់ថា៖ "ពួកគេមានកាលវិភាគដើម្បីសម្ដែងជាមួយគ្នា ហើយកាលបរិច្ឆេទនេះអាចនឹងកើតឡើងនៅចុងឆ្នាំនេះ ប្រសិនជាអ្វីៗសម្រេចបានតាមផែនការ។ វាគឺគម្រោងមួយដែលអ្នកទាំងពីររំពឹងទុកជាមួយគ្នា។" ប្រភពដដែលបានបន្តទៀតថា៖ "នេះជាបទពិសោធន៍ថ្មីមួយទៀតដែលអ្នកទាំងពីរនឹងឆ្លងកាត់ជាមួយគ្នា មិនត្រឹមតែប៉ុណ្ណោះកូនៗពួកគេទាំងបីក៏ចូលរួមផងដែរ។"

មិនត្រឹមតែចូលរួមសម្ដែងតន្ត្រីទេសចរណ៍ជាមួយគ្នាតែប៉ុណ្ណោះទេ អ្នកទាំងពីរក៏នឹងមានបទចម្រៀងថ្មីជាមួយគ្នាផងដែរ។ បើតាមទស្សនាវដ្ដី People ការប្រគំតន្ត្រីទេសចរណ៍នេះ នឹងចាប់ផ្ដើមនៅខែកក្កដាឆ្នាំ ២០១៨៕

អានអត្ថបទ៖

ប្រភព៖ Eonline ប្រែសម្រួល៖ ធារ៉ូ