ញាក់សាច់ Mr Bean ផ្ដល់ផ្ទះតម្លៃជាង ១៣ លានដុល្លារឲ្យប្រពន្ធដើម ជាថ្លៃព្រមលែងលះគ្នា

2018-03-10 07:29:03
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្មីៗនេះ តារាកំប្លែង Rowan Atkinson បានប្រគល់ផ្ទះតម្លៃជាង ១៣លានដុល្លាររបស់លោកដែលស្ថិតនៅតំបន់ Cotswolds ទៅឲ្យអតីតភរិយា ដែលទុកជាថ្លៃសម្រាប់ការព្រមលែងលះគ្នា។

តារាកំប្លែងដែលគ្រប់គ្នាហៅថា Mr Bean នោះត្រូវបានឲ្យដឹងថាបានព្រមប្រគល់គេហដ្ឋានដ៏ធំស្កឹមស្កៃរបស់លោកទៅឲ្យអតីតភរិយាដែលជាអ្នកផាត់មុខប្រចាំ BBC លោកស្រី Sunetra Sastry ដើម្បីបញ្ចប់ទំនាក់ទំនងជីវិតជាប្ដីប្រពន្ធជាមួយគ្នា។

បើគិតមកសព្វថ្ងៃនេះ តារាកំប្លែងវ័យ ៦៣ឆ្នាំរូបនេះ កំពុងតែរស់នៅជាមួយនឹងគូស្នេហ៍ថ្មីរបស់លោក ដែលជាតារាសម្ដែងវ័យ ៣៤ឆ្នាំ Louise Ford រួមជាមួយនឹងកូនរបស់ពួកគេក្នុងលំនៅឋានមួយកន្លែងដែលមានតម្លៃជាង ៦លានដុល្លារក្នុងតំបន់ Hampstead នៃភាគខាងជើងទីក្រុងឡុងដុង។

តារាកំប្លែង Rowan Atkinson បានចែកផ្លូវគ្នាជាមួយលោកស្រី Sunetra Sastry កាលពីឆ្នាំ២០១៦ ក្រោយលោកបានទាក់ទងគ្នាជាមួយនឹងតារាសម្ដែង Louise Ford បានរយៈពេល ១៨ខែ៕

ចុចអាន៖

ប្រភព៖ Dailymail ប្រែសម្រួល៖ អន សុភក្ត្រា