ឱកាសហើយ! ក្រុមហ៊ុនអន្តរជាតិ៣ ផ្ដល់ការងារជាង២ពាន់កន្លែងនៅតាមខេត្ត២ ក្រុង១

2018-03-29 04:50:12
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុនអន្តរជាតិចំនួន ៣ បានទទួលវិញ្ញាបនប័ត្រចុះបញ្ជីជាស្ថាពរ ពីគណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា (CDC)។ ជាមួយគ្នានោះ ក្រុមហ៊ុនមានតម្រូវការកម្លាំងពលកម្មជាច្រើននាក់ ដើម្បីធ្វើការនៅតាមរោងចក្រកែច្នៃ និងផលិតក្នុងខេត្តចំនួន ២ និងនៅរាជធានីភ្នំពេញ១កន្លែង។

តាមសេចក្ដីប្រកាសរបស់ CDC បញ្ជាក់ថា៖

១) ក្រុមហ៊ុន “CHINA GREAT CAUSE (CAMBODIA) INVESTMENT CO., LTD.” ដាក់គម្រោងបង្កើតកសិដ្ឋានដាំដំណាំកសិ-ឧស្សាហកម្ម (ដើមកៅស៊ូ) និងសាងសង់រោងចក្រកែច្នៃ ដែលមានទីតាំងវិនិយោគស្ថិតនៅឃុំស្តៅ និងឃុំចំរើន ស្រុកសង្គមថ្មី និងឃុំរមទម ស្រុករវៀង ខេត្តព្រះវិហារ មានទុនវិនិយោគប្រមាណ ៣២,៦១លានដុល្លារអាមេរិក និងមានតម្រូវការការងារ ចំនួន ១ ៣២៥ កន្លែង។

២) ក្រុមហ៊ុន “LIANYUN (CAMBODIA) ECO-AGRICULTURE DEVELOPMENT CO., LTD.” មានគម្រោងង្កើតរោងម៉ាស៊ីនកិនស្រូវ និងកែច្នៃអង្ករ ដែលមានទីតាំងវិនិយោគស្ថិតនៅភូមិសាលាសន្ទុក ឃុំកកោះ និងភូមិស្តុកស្តម្ភ ឃុំជ្រាប់ ស្រុកសន្ទុក ខេត្តកំពង់ធំ មានទុនវិនិយោគប្រមាណ ៤៣,៣១លានដុល្លារអាមេរិក និងមាតម្រូវការការងារចំនួន ១ ២០៣កន្លែង។

៣) ក្រុមហ៊ុន “JUSTEX MATERIAL CO., LTD.” មានគម្រោងបង្កើតរោងចក្រផលតិសាប៊ូ ថ្នាំបោះពុម្ព និងថ្នាំជ្រលក់ពណ៌ ដែលមានទីតាំងវិនិយោគស្ថិតនៅ ភូមិព្រៃងៀង សង្កាត់ភ្លើងឆេះរទេះ ខណ្ឌពោធិ៍សែនជ័យ រាជធានីភ្នំពេញ មានទុនវិនិយោគ ៣,៧៥លានដុល្លារអាមេរិក និងមានតម្រូវការការងារចំនួន ១៥១កន្លែង៕