Snapchat លេងមួយក្បាច់ពេញចិត្តអ្នកប្រើ iPhone X ស្ដូក

2018-04-06 10:52:25
ចំនួនមតិ 0 | ចំនួនចែករំលែក 0

ចន្លោះមិនឃើញ

Snapchat ទើបបានបញ្ចេញការ Update សម្រាប់ AR Mask ជាពិសេសតែម្ដងសម្រាប់អ្នកប្រើ iPhone X។ មុខងាររបស់ TrueDepth Camera សម្រាប់ធ្វើការបង្កើតផ្ទៃផែននៃមុខជាលក្ខណៈ 3D ដើម្បីដោះសោ iPhone X នោះ ពេលនេះត្រូវបានប្រើក្នុងកម្មវិធី Snapchat ហើយ ដែលវាធ្វើឲ្យ AR Mask (របាំងមុខនិមិត្ត) មានទម្រង់សឹងតែដូចរបស់ពិតអីចឹង ពេលឆ្លងកាត់ TrueDepth Camera របស់ iPhone X។

AR Mask នេះនឹងប្រើប្រាស់ TrueDepth Camera ដូច FaceID ដែរ ដោយមានការបញ្ចាំងពន្លឺ Infra ទៅលើផ្ទៃមុខជាង ៣០ ០០០ចំណុច ដើម្បីបង្កើតផ្ទៃផែននៃមុខ ដែលមានមានគ្រប់គន្លាក់ និងផ្នត់តែម្ដង។ AR Mask នឹងដំណើរការទៅតាមចលនាគ្រប់សាច់ដុំនៅលើមុខរបស់អ្នកដូច Animoji ក្នុង iMessage របស់ Apple ដែរ។ វាអាចរីករួមទៅតាមការសើចញញឹម និងមានការជះពន្លឺ និងស្រមោល ដូចកំពុងពាក់របាំងមុខពិត។ ដោយសារតែគុណសម្បត្តិនៃ TrueDepth Camera ផងដែរនោះ ការចាប់ប្លង់មានសភាពម៉ត់ល្អ និងអាចព្រាលផ្ទៃខាងក្រោយបានដាច់ល្អទៀតផង។

នេះមិនមែនជាលើកដំបូងទេ ដែល Snapchat បញ្ចេញបច្ចេកវិទ្យា AR ក៏ល្អរបស់ខ្លួននៅលើ iPhone គ្រាន់តែលើកនេះ Snapchat បានប្រើប្រាស់វានៅលើ iPhone X ដែលជាទូរសព្ទដៃមុនគេលើលោក ដែលមានបច្ចេកវិទ្យាចាប់ផ្ទៃមុខជាប្រភេទ 3D។

ចង់ដឹងថា AR Mask របស់ Snapchat ដូចពិតខ្លាំងប៉ុណ្ណានៅលើ iPhone X សូមមើលរូបភាពខាងក្រោមទាំងអស់គ្នា៖