ពេលនេះច្បាស់ការហើយ តេង លក្ខិណា នឹងវិលចូលផលិតកម្មវិញ!

2018-04-09 02:47:10
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងបទសន្ទនាខ្លី តាមសារអេឡិចត្រូនិក តេង លក្ខិណា បានបញ្ជាក់ថា នាងនឹងមិនទៅណាចោលសិល្បៈចម្រៀងឡើយ ហើយត្រៀមវិលមកធ្វើជាតារាចម្រៀងផលិតកម្មវិញឆាប់ៗ។

នៅមុនការបញ្ជាក់បែបនេះ តេង លក្ខិណា ត្រូវបានធ្លាយព័ត៌មានថា នាងបានចាកចេញពីផលិតកម្មទៅហើយ ជាទីដែលនាងផ្ញើខ្លួនធ្វើតារាចម្រៀងអាជីព ក្រោយសុខចិត្តបោះបង់អាជីពជាពិធីការិនីទូរទស្សន៍។ ជុំវិញបញ្ហានេះ សាមីខ្លួន បានទទួលស្គាល់ថា នាងពិតជាបានសម្រាកពីការងារច្រៀងមែន ក្រោយចប់កិច្ចសន្យាការងារ។

"ចាសបង...ខ្ញុំបានផុតកុងត្រាជាមួយផលិតកម្ម M ហើយ អីចឹងហើយទើបបានសម្រាកមួយរយៈ ដោយសាររវល់នឹងការងារក្រៅសិល្បៈច្រើន"។ អតីតពិធីការិនីទូរទស្សន៍ CTN តេង លក្ខិណា បានសម្រេចផ្លាស់ប្ដូរ ១៨០ដឺក្រេពីអាជីពជាអ្នកនិយាយ ទៅជាតារាចម្រៀងក្នុងផលិតកម្ម M នាអំឡុងឆ្នាំ ២០១៥។

មួយឆ្នាំក្រោយមក ក៏មានដំណឹងថា នាងបានចាកចេញពីផលិតកម្មទៅហើយ ដូចនឹងអ្វីសាមីខ្លួនទទួលស្គាល់ពីខាងលើ។ យ៉ាងនេះក៏ដោយ ស្រីស្អាតរូបនេះ បញ្ជាក់ទៀតថា បើទោះជាអាជីពថ្មី មិនហុចផ្លែផ្កាដុំកំភួន ក៏នាងមិនបោះបង់ចោលរហូតដែរ ក្នុងនោះ លក្ខិណា បង្ហើបថា គ្រោងនឹងវិលវិញហើយ។ "ខ្ញុំជិតនឹងចូលវិញហើយ នឹងត្រៀមចូលក្នុងផលិតកម្មមួយបង!"

បែបនេះក្ដីម្ចាស់បទ "សុំឈឺមួយថ្ងៃបានហើយ” មិនបានបញ្ចេញឈ្មោះផ្លូវការផលិតកម្មដែលនឹងព្រលយថានឹងចូលរួមនោះទេ។ ក្រៅពីនេះ កាលបរិច្ឆេទពេលណាឲ្យប្រាកដ ក៏អត់ដែរ ដោយនាងអះអាងថា សុំលាក់ទុកសិន។ "ខ្ញុំសុំលាក់សិនបង តែនឹងឆាប់ៗនេះ...!”។

idol ជិតត្រឡប់មកបំពេអារម្មណ៍វិញហើយ...អីចឹងទាយមើលថា នាងនឹងចូលទៅផលិតកម្មមួយណា?