Grab ទើបមកដល់កម្ពុជាមិនបានប៉ុន្មានផង វាយលុកដល់សេវាម៉ូតូកង់បី និងម៉ូតូឌុបទៀត

2018-04-13 06:59:47
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុនតាក់ស៊ីGrab ដែលទើបឈានជើងចូលទីផ្សារកម្ពុជាកាលពីចុងឆ្នាំ២០១៧កន្លងទៅនេះ បានពង្រីកសេវាដឹកជញ្ជូនរបស់ខ្លួនបន្ថែមទៀតរហូតដល់សេវាមូតូឌុប សេវ៉ាមូតូងក់បីឥណ្ឌាសម្រាប់ទីក្រុងភ្នំពេញ និងម៉ូតូកង់បីខ្មែរសម្រាប់ខេត្តសៀមរាប ដោយអះអាងថាដើម្បីផ្តល់ជម្រើសកាន់តែច្រើនសម្រាប់អ្នកធ្វើដំណើរ។

កាលពីធ្នូឆ្នាំ២០១៧ ក្រុមហ៊ុនតាក់ស៊ីមួយនេះបានដាក់ឲ្យដំណើរការសេវារថយន្តតាក់ស៊ី លុះដល់ខែមីនា ឆ្នាំ២០១៨ ក៏បានដាក់ឲ្យដំណើរការសេវាម៉ូតូឌុប( GrabBike )មួយទៀត។ សម្រាប់ដើមខែមេសានេះ ក្រុមហ៊ុនក៏បានដាក់ឲ្យដំណើរការសេវាមូតូកង់បីឥណ្ឌា( Grab TukTuk )សម្រាប់ទីក្រុងភ្នំពេញ និងរ៉ឺម៉កកង់បីខ្មែរ(GrabRemorque)សម្រាប់ខេត្តសៀមរាប។

(រូបភាព៖ screenshot ពីហ្វេសប៊ុកក្រុមហ៊ុនGrab)

ឆ្លើយតបទៅនឹងសំនួររបស់ Sabay នាយកក្រុមហ៊ុន Grab ប្រចាំប្រទេសកម្ពុជា លោក Yee Wee Tang លើកឡើងថាការដាក់ឲ្យដំណើរប្រភេទមធ្យាបាយដឹកអ្នកដំណើរបន្ថែមនេះគឺដើម្បីផ្តល់ជម្រើសកាន់តែច្រើនសម្រាប់អ្នកធ្វើដំណើរ។ ចំពោះការដាក់ឲ្យដំណើរការមូតូកង់បីឥណ្ឌានៅទីក្រុងភ្នំពេញ លោកថាមធ្យោបាយប្រភេទនេះកំពុងតែពេញនិយមនៅទីក្រុងភ្នំពេញ និងថាចំណែកនៅសៀមរាបវិញក្រុមហ៊ុនដាក់ឲ្យដំណើរការម៉ូតូកង់បីខ្មែរ ក៏ដោយសារនៅទីនោះមានការពេញនិយមច្រើនក្នុងការធ្វើដំណើរតាមមធ្យោបាយមួយនេះ។

ថ្វីត្បិតតែនៅរាជធានីភ្នំពេញក្រៅពីសេវារបស់ក្រុមហ៊ុនGrab នេះក៏មានដែរក្រុមហ៊ុនដឹកអ្នកដំណើរដោយប្រើប្រព័ន្ធApp ផ្សេងច្រើនទៀតតែលោក Yee Wee Tang ចាត់ទុកថាការប្រកួតប្រជែងជារឿងល្អមួយ ដែលនាំឲ្យមានការច្នៃប្រឌិតថ្មី និងធ្វើឲ្យតម្លៃធ្វើដំណើរកាន់តែអាចទទួលយក និងទុកចិត្តបាន រួមជាមួយនឹងសុវត្ថិភាពកាន់តែខ្ពស់។

សម្រាប់ការប្រកួតប្រជែងក្នុងទីផ្សារវិញលោកថាការទុកចិត្តបាន តម្លៃសមរម្យ និងសុវត្ថិភាព រួម ជាមួយនិងការផ្តល់រង្វាន់លើកទឹកចិត្តដល់អតិថិជនពីក្រុមហ៊ុន ជាមធ្យោបាយមួយក្នុងការទាក់ទាញអតិជនឲ្យប្រើប្រាស់Grab កាន់តែច្រើន។

លោក វន ពៅ ប្រធានសមាគមប្រជាធិបតេយ្យឯករាជ្យសេដ្ឋកិច្ចក្រៅប្រព័ន្ធ ដែលមានសមាជិកអ្នករត់តាក់ស៊ី រ៉ឺម៉ក និងម៉ូតឌុបជាង១ ០០០ នាក់ លើកឡើងថាសមាជិករបស់លោកប្រហែល៣០ភាគរយបានប្រើប្រាស់ App របស់ក្រុមហ៊ុនមួយចំនួន។ លោកថាការរីកចម្រើននៃក្រុមហ៊ុនApp ហៅតាក់ស៊ី ឬរ៉ឺម៉កនេះ ស្របទៅតាមសម័យកាលជៀនលឿននៃបច្ចេកវិទ្យា ម្យ៉ាងទៀតលោកថាបានជួយច្រើនដល់អ្នករត់តាក់ស៊ី ឬរ៉ឺម៉ក ងាយស្រួលក្នុងការទទួលបានអតិថិជនជាងមុុន ជាពិសេសគឺមិនបាច់បង់ថ្លៃចំណតរង់ចាំភ្ញៀវដូចមុន។

ទោះបីជាមានចំណុចវិជ្ជមានបែបនេះក្តី ក៏លោកថានៅមានដែរចំណុចអវិជ្ជមាន ដោយថាក្រុមហ៊ុនខ្លះបានកាត់ភាគរយច្រើនពេកពីម្ចាស់រ៉ឺម៉កធ្វើឲ្យអ្នករត់រ៉ឺម៉កទទួលបានកម្រៃតិច។ ដោយមើលឃើញពីចំណុចនេះលោកស្នើឲ្យក្រុមហ៊ុនទាំងនោះពិចារណាលើចំណុចនេះ ឡើងវិញ។

ងាកមកក្រុមហ៊ុន Grab វិញ ក្រៅពីការខិតខំពង្រីកសេវាដឹកជញ្ជូនរបស់ខ្លួនឲ្យកាន់តែប្រសើរ ក្រុមហ៊ុនមួួនេះ ក៏បានទិញរាល់មុខជំនួយទាំងអស់របស់ Uber រួមទាំងសេវាហៅតាក់ស៊ីនៅក្នុងប្រទេសកម្ពុជា ឥណ្ឌូណេស៊ី ម៉ាឡេស៊ី មីយ៉ាន់ម៉ា ហ្វីលីពីន សិង្ហបុរី ថៃ និង វៀតណាម។ ជំនួសពីការលក់នេះ ក្រុមហ៊ុន Uber នឹងកាន់កាប់ភាគហ៊ុនក្នុងក្រុមហ៊ុន Grab ចំនួន27.5% ហើយនាយកប្រតិបត្តិ Uber លោក Dara Khosrowshahi នឹងចូលរួមជាគណៈគ្រប់គ្រងរបស់ Grab ផងដែរ។

គួរបញ្ជាក់ដែរថាក្រុមហ៊ុនប្រើ «app» សម្រាប់ហៅមធ្យោបាយដឹកជញ្ជូននេះមិនមែនមានតែក្រុមហ៊ុនGrab នេះមួយទេដែលកំពុងប្រតិបត្តិការនៅក្នុងប្រទេសកម្ពុជា។ សេវាហៅម៉ូតូកង់បីតាមរយៈ Pass App Ugo711 CamGo ជាដើម បាននិងកំពុងធ្វើប្រតិបត្តិការលើសេវាប្រហាក់ប្រហែលគ្នានេះនៅកម្ពុជា៕

អត្ថបទ៖ ទូច សុខា

ពាក្យទាក់ទង

សេដ្ឋកិច្ច

អត្ថបទពេញនិយម

ដំណើរជីវិត អ៊ុងអ៊ីង នាយករដ្ឋមន្រ្តីវ័យក្មេងបំផុត ក្នុងប្រវត្តិសាស្រ្ត របស់ប្រទេសថៃ

ពីអាគារចាស់ សល់ពី សម័យប៉ុល ពត ក្លាយទៅជាភូមិគ្រិះ ព័ទ្ធដោយសួនធម្មជាតិ យ៉ាងមនោរម្យ!

កាន់តែទាក់ទាញ ទេសចរណ៍នៅសៀមរាប ម៉តូធំអូសរម៉កបំពាក់បាសធំៗត្រៀមជូនភ្ញៀវដើរលេងកម្សាន្ត

កម្ពុជា ជាទីផ្សារនាំចេញប្រេងឥន្ធនៈធំបំផុតទី២ របស់ប្រទសថៃ

ក្រសួងប្រៃសនីយ៍ និងទូរគមនាគមន៍ ជូនដំណឹងស្ដីពីកំណើនឡើង ការវាយប្រហារសាយប័រ

រូបចម្លាក់ “ព្រះមហាក្សត្រ ព្រះបាទជ័យវរ្ម័នទី៧ ប្រយុទ្ធជាមួយតោ” ដាក់តាំង នៅ Garden by the Bay ដ៏ល្បីល្បាញ នៅសិង្ហបុរី

អត្ថបទថ្មី

Connexion បង្កើនការយល់ដឹងអំពីជំងឺមហារីកសុដន់តាមរយៈសិល្បៈ ជាមួយនិងការត្រួតពិនិត្យជាបឋម

បវរកញ្ញា និងបុរសឯកពោរពេញដោយសម្រស់ និងសមត្ថភាព ៤រូប ត្រូវបំពាក់មកុដ និងឈៀងផ្លូវការព្រមៗគ្នា

កម្មវិធី JCI Cambodia Leadership Academy លើកទី១០ បញ្ចប់ដោយជោគជ័យ ក្នុងការបណ្តុះ អ្នកដឹកនាំជំនាន់ក្រោយ

សេចក្តីថ្លែងការណ៍ផ្លូវការរបស់លោក Looi Kok Soon ស្តីពីការលាលែងពីតំណែងជានាយកប្រតិបត្តិមិនឯករាជ្យ និង ប្រធាននាយកប្រតិបត្តិពីធនាគារ ព្រីនស៍ ម.ក

អង្គការក្រៅរដ្ឋាភិបាលហុងកុង ជី អិច ហ្វោនដេសិន ចុះហត្ថលេខា MOU ជាមួយ CAIC ដើម្បីគាំទ្រការការពារជំងឺគ្រុនឈាម និងជំងឺឆ្លងបង្កដោយវ៉ិចទ័រផ្សេងៗ

ចូលរួមដោយសេរី៖ ក្រុមហ៊ុន Smart Axiata អបអរសមិទ្ធផលចីរភាពជាង 10 ឆ្នាំ ក្នុង ពិព័រណ៍សិល្បៈភពផែនដី ជាមួយ ReMade