MacOS ចេញតម្រុយចង់បិទកម្មវិធី 32bit

2018-04-18 04:52:20
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រើប្រាស់ MacOS ជំនាន់ចុងក្រោយ អាចនឹងឃើញផ្ទាំងឲ្យដំណឹង (Notification) ថ្មីមួយ ពេលបើកកម្មវិធីម្តងៗ។ផ្ទាំងថ្មីបង្ហាញថា កម្មវិធីមិនផ្អែកលើបច្ចេកវិទ្យា 64-bit អនាគតនឹងមិនអាចដំណើរការបានលើ MacOS នោះទេ។

រាល់ Mac ថ្មីៗបង្កើតជាមួយ Processor 64-bit ជួយជំរុញល្បឿន ហើយកម្មវិធីប្រភេទ64-bit អាចចូលប្រើ Memory កាន់តែច្រើន ហើយក៏នឹងជួយឲ្យប្រព័ន្ធដំណើរការលឿន។

បច្ចេកវិទ្យាថ្មីបំផុតរបស់ Apple ដូចជា Metal graphics acceleration អាចឲ្យ CPU និង GPU សហការគ្នាជួយល្បឿនប្រើប្រាស់ (Graphic និង Gaming performance) បានសម្រាប់តែកម្មវិធីប្រភេទ 64-bit ប៉ុណ្ណោះ។

បច្ចុប្បន្ន អ្នកប្រើប្រាស់នៅតែអាចបន្តប្រើកម្មវិធីប្រភេទ 32-bit តែថ្ងៃខាងមុខអាចដំណើរការតែជាមួយកម្មវិធីប្រភេទ 64-bit។

យ៉ាងណាមិញ បើអ្នកទទួលបាន Notification នេះ អាចទាក់ទងទៅកាន់ Developer សាកសួរពេលណាមានកម្មវិធីប្រភេទ 64-bit។ តែបើមិនមានគម្រោងប្ដូរនោះទេ ប្រហែលត្រូវគិតគូរកម្មវិធីផ្សេង។

វិធីងាយស្រួល អាចមើលក្នុង MacOS ដោយបើក Apple menu > ជ្រើសរើស About This Mac > ចុចលើ System Report > នៅលើលទ្ធផល អូសចុះក្រោមត្រង់ Software > ចុចលើ Applications > ជ្រើសរើសកម្មវិធីណាមួយ > ពិនិត្យមើលត្រង់ 64-bit (Intel) ដែលមានពាក្យ Yes (64-bit) ឬក៏ No (32-bit)៕