មិនធម្មតា P20 Pro បំបែកកំណត់ត្រាមួយនៅអឺរ៉ុបប៉ែកខាងលិច

2018-04-28 08:59:00
ចំនួនមតិ 0 | ចំនួនចែករំលែក 0

ចន្លោះមិនឃើញ

Huawei P20 Pro ជាស្មាតហ្វូនកាមេរ៉ាបីគ្រាប់ ដែលទើបនឹងចេញលក់លើទីផ្សារកាលពីខែចុងមីនាបានបំបែកកំណត់ត្រា ក្លាយជាស្មាតហ្វូនលក់ដាច់បំផុតនៅក្នុងប្រទេសអ៊ឺរ៉ុបប៉ែកខាងលិចដូចជា អង់គ្លេស បារាំង អាល្លឺម៉ង់។

P20 និង P20 Pro | រូបភាព៖ Digital Trends

ចំណែកឯនៅប្រទេសចិនឯណោះវិញ បងប្អូនបង្កើតកាមេរ៉ាបីនេះ ក៏មិនធម្មតាដែរ ពោលគឺ P20 និង P20 Pro លក់បានចំនួន **១៥ លានគ្រឿង** [លើអនឡាញ](https://www.gsmarena.com/huawei_sells_p20_and_p20_pro_phones_worth_15_million_in_10_seconds-news-30565.php "") ត្រឹមតែរយៈពេល **១០ វិនាទីប៉ុណ្ណោះ។**

ត្រឡប់ទៅនិយាយនៅប៉ែកអ៊ឺរ៉ុបវិញ P20 និង P20 Pro សុទ្ធតែកាន់កំណត់ត្រាគីឡូធ្ងន់ដូចគ្នា(លក់ដាច់បានច្រើន)។ ចំនួននៃការលក់កើនដល់ 316% លើសកំណត់ត្រាចាស់ដែលកាន់ដោយ P10 Plus(ត្រឹមតែ 300%) ។ ចំនួននេះគិតសរុបការលក់ នៅតាមបណ្ដាប្រទេសអឺរ៉ុបប៉ែកខាងលិចមួយចំនួនដូចជា អង់គ្លេស បារាំង អ៊ីតាលី អេស្ប៉ាញ និងអាល្លឺម៉ង់ជាដើម។

ជាងនេះទៀតស្មាតហ្វូន Huawei ទាំងពីរម៉ូឌែលនេះ បានក្លាយជាស្មាតហ្វូនដែលមានសមត្ថភាពកាមេរ៉ាខ្លាំងលើសគេប្រចាំវិបសាយ DxOMark ដោយ P20 Pro ទទួលបានពិន្ទុសរុប ១០៩ ពិន្ទុ ឯ P20 ទទួលបានពិន្ទុសរុប ១០២ ពិន្ទុ។

តារាងពិន្ទុ P20 និង P20 Pro

ចំពោះតម្លៃវិញនៅអឺរ៉ុប P20 មានតម្លៃ ៨០៥ ដុល្លារ និង P20 Pro មានតម្លៃ ១ ១១៦ ដុល្លារ។ ឯនៅអាស៊ីវិញម៉ូឌែល P20 នឹងមានតម្លៃប្រហែល ៦៣៧ ដុល្លារ ស្របពេល P20 Pro ថ្លៃប្រហែល ៨៩៥ ដុល្លារ។

ប្រភព៖ GSMarena ប្រែសម្រួល៖ រក្សា