មុខងារពិសេសផ្លាស់ប្ដូរសីតុណ្ហភាពពណ៌អេក្រង់ អ្នកចូលចិត្តចុចទូរសព្ទពេលយប់

2018-05-06 02:32:33
ចំនួនមតិ 0 | ចំនួនចែករំលែក 0

ចន្លោះមិនឃើញ

អេក្រង់ទូរសព្ទបញ្ចេញពន្លឺពណ៌ខៀវពេលថ្ងៃមិនអីទេ តែពេលយប់អាចប៉ះពាល់ដល់ការគេង ដោយដាស់ខួរក្បាលធ្វើឲ្យអ្នកមិនសូវងងុយ។

លើ iOS, Android និង Window 10 មានមុខងារអាចផ្លាស់ប្ដូរសីតុណ្ហភាពពណ៌អេក្រង់ បើនិយាយឲ្យស្រួលស្ដាប់គឺធ្វើឲ្យអេក្រង់មានលក្ខណៈស្រទំ។

លើ iPhone ឬ iPad

ប្រាកដថា iPhone ឬ iPad ប្រើប្រព័ន្ធប្រតិបត្តិការចាប់ពី iOS 9.3 ឬខ្ពស់ជាងនេះ។ ចូលទៅកាន់ Settings > Display & Brightness > ចុចលើ Night Shift ។ ត្រង់ផ្ទាំង Night Shift មានជម្រើសច្រើន។

ចុចលើប៊ូតុងក្បែរ Scheduled នឹងឃើញជម្រើស From To អាចចុចលើប្រអប់នោះ ដើម្បីកំណត់ម៉ោងបើកដំណើរការមុខងារ និងបិទតាមពេលវេលា ដោយបើកមុនពេលចូលគេង និងបិទពេលភ្ញាក់។

ក៏មានជម្រើសស្វ័យប្រវត្តិ Sunset to Sunrise ដែលនឹងបើកមុខងារនេះពេលថ្ងៃលិច និងបិទពេលថ្ងៃរះ។ បើមិនឃើញជម្រើសនេះមានលើអេក្រង់ អាចត្រលប់ទៅកាន់ Settings > Privacy > Location Services > អូសចុះក្រោមចុចត្រង់ System Services > បើកជម្រើស Setting Time Zone។

ជម្រើស Manually Enable Until Tomorrow នឹងបើកដំណើរការមុខងារធ្វើឲ្យអេក្រង់ឡើងស្រទំ រហូតដល់ថ្ងៃថ្មីទើបបិទ។

មួយវិញទៀត ក៏អាចគ្រប់គ្រងលើសីតុណ្ហភាពពណ៌ ឬកម្រិតស្រទំរបស់មុខងារ Night Shift ដោយចុចរំកិលប៊ូតុងមូលនៅកណ្ដាលទៅកាន់ More Warm ឬ Less Warm អាចលេងបានរហូតត្រូវចិត្ត។

មុខងារ Night Shift ក៏អាចបើកដំណើរការពី Control Center របស់ iOS device ដោយចុចលើអេក្រង់អូសឡើងលើ ត្រង់ប៊ូតុងកែពន្លឺអេក្រង់ ចុចសង្កត់ឲ្យជាប់ នឹងមានជម្រើស អាចចុចបើក ឬបិទមុខងារ Night Shift បាន។

លើ Android Device

Google បានបន្ថែមមុខងារ Night Mode ទៅកាន់ជំនាន់ Android Nougat ជួយធ្វើឲ្យអេក្រង់ស្រទំងាយស្រួលមើល។ ដោយចូលទៅកាន់ Settings > Display > Night Light រួចបើក ឬបិទ ជាមួយនឹងជម្រើសមួយចំនួនស្រដៀងនឹង Night Shift ដែរ ដូចជា កំណត់ម៉ោងបើកមុខងារ និងបិទ, បើកបិទ ពេលថ្ងៃលិច ថ្ងៃរះ និងបើកដំណើរការរហូតដល់ថ្ងៃថ្មី។

មួយវិញទៀតក៏អាចប្រើកម្មវិធីជំនួយក្រៅផងដែរ ដូចជា Blue Light Filter, sFilter និង Twilight។

លើ Device ប្រើ Windows 10

លើ Windows 10 មានជម្រើសកែប្រែកម្រិតពណ៌ពន្លឺធ្វើឲ្យអេក្រង់មានពណ៌ស្រទំបានហៅថា Night light តែប្រាកដថាប្រព័ន្ធបានធ្វើកំណែទម្រង់ចុងក្រោយ (Creators Update)។

អាចពិនិត្យមើលដោយ ចុច Mouse ស្ដាំលើប៊ូតុង Start ដើម្បីបង្ហាញ Power Menu បើឃើញ Settings ក្នុង Menu មានន័យថាបានធ្វើកំណែទម្រង់ចុងក្រោយ តែបើនៅឃើញ Control Panel ក្នុងបញ្ជី មានន័យថាមិនទាន់បានធ្វើកំណែទម្រង់ទេ។

ចុចលើប៊ូតុង Start > Settings > System > ត្រង់ផ្ទាំង System មាន Setting ដំបូង Display > នៅខាងស្តាំ ចុចប៊ូតុងក្រោម Night light ដើម្បីបើកមុខងារ Night light mode ក្រោយមកកម្រិតពន្លឺពណ៌អេក្រង់នឹងផ្លាស់ប្ដូរមកស្រទំ ឬអាចកែប្រែកំណត់មុខងារ Night light បន្ថែម ចុចលើពាក្យ Night light settings ក្នុងនោះក៏មានប៊ូតុង Turn on now ផងដែរ អាចចុចបើកពីទីនោះបាន។

លើផ្ទាំងនោះអាចកែកម្រិតស្រទំ ដោយចុចប៊ូតុងរំកិលត្រង់ Color temperature at night។ អាចកំណត់ពេលវេលាបើកបិទ ដោយចុចប៊ូតុង Schedule night light ដោយមានជម្រើសពីរ កំណត់បើកបិទថ្ងៃលិច ថ្ងៃរះ ឬតាមម៉ោងជាក់លាក់។

មុខងារកំណត់ថ្ងៃលិច ថ្ងៃរះ (Sunset to Sunrise) មុននឹងអាចប្រើបានដំបូងត្រូវបើកដំណើរការ Location Services ក្នុង Window ដោយចុចលើពាក្យ Location Settings > ចុចបើក Location service។

ការកំណត់ម៉ោង អាចចុចប៊ូតុង Set hours > ចុចលើពេលវេលានៅខាងក្រោម Turn on កំណត់ពេលមុខងារ Night light បើកដំណើរការ > ចុចលើពេលវេលានៅខាងក្រោម Turn off កំណត់ពេលមុខងារ Night light បិទដំណើរការ។