Kylie Jenner សើចហួសចិត្តនឹងរឿងថាអង្គរក្សរបស់នាងជាឪពុក Stormi

2018-05-06 02:03:53
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាទូរទស្សន៍ Kylie Jenner និងមិត្តប្រុស Travis Scott អស់សំណើចជាខ្លាំងជុំវិញរឿងរ៉ាវដែលកំពុងផ្ទុះឡើងពេញបណ្ដាញសង្គមពាក់ព័ន្ធនឹងអង្គរក្សផ្ទាល់ខ្លួនរបស់នាងមានមុខមាត់ដូចកូនស្រី Stormi។

បើតាមប្រភពជិតស្និទ្ធមួយបានប្រាប់វិបសាយ Hollywood Life ថា Kylie គិតថាវាគួរឲ្យអស់សំណើចណាស់ដែលអ្នកគាំទ្រគិតថាអង្គរក្សផ្ទាល់ខ្លួននាងអាចជាឪពុកបង្កើតរបស់កូននាងហើយមិនមែនជា Travis នោះ។ ចំណែកTravis ក៏អត់ទ្រាំមិនបាន ហើយផ្ទុះសំណើចចំពោះរឿងមួយនេះដែរ។ កូនក្មេងអាចនឹងមានមុនមាត់ដូចនរណាក៏បាន នៅពេលពួកគេនៅតូចបែបនេះ ដូច្នេះហើយ Kylie និង Travis គិតថាវាពិតជាឡប់ណាស់ដែលគ្រប់គ្នាគិតចេញផ្លូវបែបនេះហើយមិនបានគិតឲ្យបានល្អិតល្អន់ជាលើកទីពីរនោះ"។

គួររម្លឹកដែរថា រឿងរ៉ាវនេះផ្ទុះឡើងកក្រើកបណ្ដាញសង្គម ក្រោយអ្នកប្រើប្រាស់បណ្ដាញមួយចំនួន បានយករូបរបស់ Tim Chung ដែលជាអង្គរក្សរបស់តារាស្រី Kylie Jenner ទៅផ្គូផ្គងដាក់ជិតគ្នាកូនស្រីរបស់នាង Stormi រួចក៏បង្ហោះចែកចាយពេញបណ្ដាញសង្គម៕

ចុចអាន៖

ប្រភព៖ metro.co.uk ប្រែសម្រួល៖ អន សុភក្ត្រា