ពេលឈឺក្រពះ មានដឹងថា អាចញ៉ាំអាហារអ្វីខ្លះបានទេ?

2018-05-06 02:33:18
ចំនួនមតិ 0 | ចំនួនចែករំលែក 0

ចន្លោះមិនឃើញ

ការរលាកក្រពះកើតឡើងក្នុងទម្រងជាច្រើន ហើយក៏មានមូលហេតុរបស់វាច្រើនណាស់ដែរ។ អ្នកខ្លះ ឥទ្ធិពលនៃការរលាកក្រពះនឹងបាត់ទៅវិញដោយខ្លួនឯង ខណៈពេលដែលខ្លះទៀតអាចបន្តរហូតដល់ទៅជាដំបៅង និងបញ្ហានៃការរំលាយអាហារផ្សេងៗទៀតផង។ យ៉ាងណាមិញ អ្នកក៏ត្រូវតែដឹងថាអ្វីទៅដែលធ្វើឲ្យមានជំងឺនេះ ដូច្នេះអ្នកនឹងដឹងថាគួរកត់សម្គាល់អាហារអ្វីដែលគួរញ៉ាំ និងមិនគួរញ៉ាំហើយ ដើម្បីបង្ការកុំឲ្យរឿងនេះកើតម្តងទៀតដែរ។ ខាងក្រោមនេះគឺជារបបអាហារពិសេសសម្រាប់អ្នកដែលកំពុងតែមានជំងឺរលាកក្រពះ៖

អាហារមានជាតិសរសៃខ្ពស់

បើសិនជាអ្នកចង់បន្ថយ ឬបង្ការការរលាកក្រពះទៀត អ្នកត្រូវតែបន្ថែមអាហារណាដែលសម្បូរជាតិសរសៃក្នុងរបបអាហារប្រចាំថ្ងៃ។ ជាតិសរសៃអាចជួយបំបាត់ដំណើរការរំលាយអាហារ ខណៈពេលដែលវាបន្ថយការរលាកលើភ្នាស់ក្រពះផង។ ការញ៉ាំអាហារសម្បូរជាតិសរសៃអាចជួយលាងសម្អាតសារធាតុពុលជាច្រើនក្នុងប្រព័ន្ធរំលាយអាហារផងដែរ។

ប្រូបាយអូទិច

ប្រភេទមួយផ្សេងទៀតនៃអាហារដែលអ្នកគួរតែបន្ថយក្នុងរបបអាហារគឺប្រូបាយអូទិច។ រឿងនេះចូរគិតទៅដល់យ៉ាអួ និងគីមឈី ព្រោះវាជាអាហារដ៏ល្អមួយសម្រាប់ជម្រុញដល់មុខងារប្រព័ន្ធរំលាយអាហារ។ ជីវជាតិដែលវាមានអាចផ្តល់នូវបាក់តេរីល្អៗដល់ពោះវៀនដើម្បីធ្វើការកាន់តែល្អ។

អាហារមានជាតិខ្លាញ់ទាប

អាហារមានជាតិខ្លាញ់ទាបដូចជា ត្រី និងសាច់មាន ជាពិសេសទ្រូងមាន់ មានសារធាតុប្រឆាំងនឹងការរលាក ដូច្នេះវាអាចការពារភ្នាស់របស់ក្រពះមិនឲ្យរលាកបាន។

អាហារមានជាតិអាស៊ីត

អាហារមានជាតិអាស៊ីតដូចជា ប៉េងប៉ោះ និងប្រភេទផ្លែឈើផ្សេងៗទៀតគឺជារឿងដែលត្រូវចៀសវាងនៅពេលដែលអ្នកកំពុងតែរលាកក្រពះ ដោយសារតែវាអាចធ្វើឲ្យក្រពះផលិតអាស៊ីតកាន់តែច្រើន ហើយក៏ធ្វើឲ្យជំងឺនេះកាន់តែធ្ងន់ធ្ងរផងដែរ។

អាហារឆាឬចៀន

យកល្អគួរតែកាត់បន្ថយការញ៉ាំអាហារឆាឬចៀនឲ្យបានច្រើនតាមតែអាចធ្វើទៅបានព្រោះវានឹងបន្ថយការប៉ះពាល់ក្រពះដែលកំពុងតែរលាកស្រាប់។ នេះដោយសារតែ អាហារប្រភេទនេះនឹងធ្វើឲ្យដំណើរការណ៍នៃការរំលាយអាហារក្នុងក្រពះកាន់តែយូរ ហើយក៏មិនល្អសម្រាប់ក្រពះដែរ។

អាហារហិរ

បើសិនជាអ្នកមានជំងឺរលាកក្រពះហើយ ក្រពះប្រហែលជាមានប្រតិកម្មខ្លាំងនៅពេលអ្នកញ៉ាំរបស់អ្វីដែលហិរៗ។ សារធាតុ Capsacin ក្នុងអាហារហិរ ពិតជាអាចធ្វើឲ្យមានការរលាកក្នុងភ្នាស់ក្រពះបាន ដូច្នេះការឈឺចាប់នឹងកាន់តែធ្ងន់ធ្ងរថែមទៀត។ ដូច្នេះគួរតែចៀសវាងការញ៉ាំអាហារហិរៗឲ្យបានច្រើនបំផុតតាមតែអាចធ្វើទៅបាន៕