មកពីអីចឹងសោះ ទើបក្មេងស្ទាវ និយមហៅគ្នាដល់ម្លឹង ទាំងមិនទាន់ការផង

2018-06-08 09:02:15
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅតាមទីសាធារណ ឬតំបន់សាលារៀនមួយចំនួន ប្ដី ប្រពន្ធ ជាពាក្យពេញនិយមមួយ ដែលគូស្នេហ៍វ័យក្មេង ជំទង់ៗ មួយចំនួន ចូលចិត្តហៅគ្នា ដោយមិនញញើតមាត់។

ភាគច្រើនពួកគេមានអាយុ ចន្លោះ ពី១៤ ឬ១៥ឆ្នាំ ហើយកំពុងនៅរៀន ចាយលុយឳពុកម្តាយ។

មតិខ្លះលើកឡើងថា ក្រុមដែលនិយមពាក្យនេះ គឺជាក្មេងៗ ស្រលាញ់គ្នា១ឆាវៗ ឬពាក្យសម័យថ្មីគេហៅថា ស្ទាវបែកស្លុយ ស៊ីអារម្មណ៍ជាដើម។

កញ្ញា នីតា ជាសិស្សថ្នាក់ទី៩ នៃវិទ្យាល័យ១ នៅភ្នំពេញ បាននិយាយថា ពាក្យពេញនិយមបញ្ជាក់ថាយើងស្រលាញ់គ្នាខ្លាំង។ កញ្ញាបន្តថា គេប្រើហៅគ្នា ឬថតឈ្មោះទុកក្នុងទូរសព្ទដៃ សម្រាប់សម្គាល់អ្នកដែលយើងស្រលាញ់ ឬភាសាអង់គ្លេសហៅថា Crush ថ្មីថ្មោងបានសម្រេច។

បើនិយាយពីន័យ សិស្សស្រីដដែល និយាយថា អត់ដឹងថាម៉េចដែរ ហៅតាមគេ តាមឯង ណា១ ដូចទាន់សម័យម្យ៉ាង ហើយអត់ចម្លែកផង។

និស្សិត១រូប សុំលាក់អត្តសញ្ញាណ រៀនចប់បរិញ្ញាបត្រផ្នែកច្បាប់ ដែលបានដឹងរឿងនេះ ប្រាប់ថា ចំពោះកញ្ញាវាពិតជាប្លែក ហើយប្អូនផ្ទាល់ធ្លាប់មានសង្សារក៏ដោយ ក៏មិនដែលនិយាយពាក្យនេះដែរ។ កញ្ញាថា អត់ហ៊ានទេ ព្រោះដឹងន័យពាក្យប្តី ប្រពន្ធ គឺវាស៊ីជម្រៅ សំដៅនិងដល់ទំនាក់ទំនងផ្លូវ ភេទ។ ថ្វីបើវាជារឿងបុគ្គល តែកញ្ញាបញ្ជាក់ថា មិនលើកទឹកចិត្តទេ ដែលក្មេងជំទង់ ប្រើពាក្យដូចនេះ ហៅគ្នា។

រូបថត តំណាងក្រុមក្មេងស្ទាវ (ប្រភពរូប Internet)

ទាក់ទងរឿងនេះ លោក រស់ គង់ ជាគ្រូបង្រៀន នៅវិទ្យាល័យហ៊ុន សែន ប៊ុន រ៉ានី ផ្សារដើមថ្កូវ រាជធានីភ្នំពេញ បានប្រាប់ Sabay ថា ចំពោះបទពិសោធន៍លោកផ្ទាល់ មិនដែលលឺសោះសិស្សប្រើ ពាក្យនេះនៅទីតាំងលោកបង្រៀន។ តែបើកន្លែងផ្សេង ឬហៅមិនឲ្យលឺ ក៏ថាបាន ព្រោះសិស្សច្រើន។

រូបថត លោក រស់ គង់ (ប្រភពរូប ហ្វេសប៊ុក លោក រស់ គង់)

គ្រូបង្រៀនរូបនេះ សង្កត់ធ្ងន់ថា អ្វីដែលធ្លាប់កើតមាននៅសាលាលោក ដែលនាំឲ្យរំខានដល់ការសិក្សាសិស្ស មានដូចជា ការតែងខ្លួនខុសវិន័យ ដូចជាការលាបសក់ពណ៌ ការគេចម៉ោងរៀន ការស្លៀកពាក់មិនសមរម្យមកសាលាជាដើម។ ចំណុចនេះជាគំរូមិនល្អ លោកគ្រូថា ខាងសាលាបានចាត់វិធានការ ហៅសិស្សមកអប់រំ និងធ្វើកិច្ចសន្យា១ចំនួន ព្រោះវាជាទង្វើខុសនឹងវិន័យ របស់ក្រសួងអប់រំ យុវជន និងកីឡា។

អត្ថបទ៖ ពៅ រក្សា

ពាក្យទាក់ទង

រឿងអប់រំ បញ្ហាសង្គម

អត្ថបទពេញនិយម

មកដឹងពីប្រាក់បៀវត្សប្រចាំខែ របស់ ឯកអគ្គរាជទូត តំណាងកម្ពុជា នៅតាមស្ថានទូតនីមួយៗ នៅបរទេស

អ្វីជា Wi-Fi 6 ហើយវាខុសប្លែកពីជំនាន់ Wi-Fi មុនៗយ៉ាងដូចម្តេច?

តំបន់ទេសចរណ៍ដ៏ចំណាស់មុនសម័យអង្គរចំនួន ២ ត្រៀមដាក់បញ្ចូលជាសម្បត្ដិបេតិកភណ្ឌមនុស្សជាតិ

ព្រះពិធីចែចូវ ព្រះអង្គម្ចាស់ក្សត្រិយ៍ នរោត្តម ពង្សសូរិយា ជាពិធីសិរីមង្គលសែរាជវង្សានុវង្សខ្មែរដ៏ធំ

ពាក្យកូដសម្ងាត់ ប្រធានាធិបតីអាមេរិក តែងប្រើ ពេលចង់ឡើងគ្រែ ជាមួយស្រ្តីទី១!

ឧទ្យានជាតិ Lorentz នៅឥណ្ឌូនេស៊ី ឋានសួគ៌នៃជីវចម្រុះដ៏សម្បូរបែប ជាមួយទេសភាពធម្មជាតិទាក់ភ្នែក

អត្ថបទថ្មី

អបអរសាទរទិវាមាតា ជាមួយក្រុមហ៊ុន តូយ៉ូតា (ខេមបូឌា)៖ កក់រថយន្តឥឡូវនេះ ទទួលការផ្តល់ជូនដ៏អស្ចារ្យ!

ទីកន្លែងណាត់ជួបថ្មីកំពុងទាក់ទាញយុវជនកម្ពុជា៖ TV360 by Metfone ចាប់ផ្តើមកម្មវិធីចាក់បញ្ចាំងកុននៅទីសាធារណៈបែប Outdoor

ប្រទេសទាំង ២ ជាអ្នកនាំចេញធំ! ភាពតានតឹង រវាង ឥណ្ឌា និង ប៉ាគីស្ថាន អាចធ្វើឱ្យតម្លៃអង្ករ ឡើងថ្លៃ

ពិតជាដូរភពមែន! អាមេរិក កាត់បន្ថយថវិកា NASA ៦ ពាន់លានដុល្លារ ផ្តោតលើបេសកកម្មទៅ ភពអង្គារ វិញ