ទាក់ចិត្តអ្នកប្រើ Mac មិនស្ទើរទេ ៧ មុខងារពិសេស នឹងមានលើកុំព្យូទ័រ Mac ឆ្នាំនេះ

2018-06-13 04:51:11
ចំនួនមតិ 0 | ចំនួនចែករំលែក 0

ចន្លោះមិនឃើញ

Apple បានចេញប្រព័ន្ធប្រតិបត្តិការជំនាន់ថ្មីបំផុតមានឈ្មោះថា MacOS Mojave ដែលអាចអាប់ដេតឥតគិតថ្លៃ ចំពោះអ្នកប្រើប្រាស់ Mac។

នេះជាការ Upgrade ដ៏ធំមួយ ជួយសម្រួលដល់ការរៀបចំការងារ និងសម្រេចការងារកាន់តែមានប្រសិទ្ធភាព ហើយរូបរាងមានការរចនាបែបថ្មី។

១ Dark Mode

macOS Mojave នឹងមានមុខងារ Dark Mode អាចបិទបើកក្នុង System Preferences ដែលនឹងឃើញរូបរាងផ្លាស់ប្ដូរប្រព័ន្ធទាំងស្រុងបែបងងឹតជួយធ្វើឲ្យ Objects នានាលេចធ្លោងាយស្រួលមើល។ ក្នុងនោះ កម្មវិធី Xcode របស់ Apple ជាមួយមុខងារនេះ ជួយសម្រួលការពិនិត្យមើល និងសរសេរកូដ។

២ Stacks

មុខងារ Stacks ជួយរៀបចំរាល់ Contents នានា ដាក់ជាបណ្ដុំស្ថិតនៅខាងស្ដាំអេក្រង់ ដោយតម្រៀបតាមប្រភេទ File, កាលបរិច្ឆេទ និង Tag ជាស្វ័យប្រវត្តិ រាល់ពេលមានឯកសារថ្មីបានបន្ថែមលើ Desktop។

បើចុចលើ Stack ណាមួយ នឹងឃើញរាល់ Contents រួចអាចចុចពីរដង ដើម្បីបើកឯកសារណាមួយ ឬចុច Stack ម្ដងទៀត ក្នុងការបង្រួមបណ្ដុំ Contents វិញ។

៣ Continuity Camera

ក្នុង macOS Mojave បើកំពុងធ្វើការលើឯកសារណាមួយ ហើយចង់បញ្ចូលរូបថតភ្លាម មុខងារ Continuity Camera អាចបើកដំណើរការកាមេរ៉ាលើទូរសព្ទដោយស្វ័យប្រវត្តិ។

ពេលថតរូបរួច វានឹងបង្ហាញក្នុងឯកសារលើ Mac ដែលអាចដំណើរការបានលើកម្មវិធីដូចជា Mail, Notes, Pages, Keynotes, Numbers និងច្រើនទៀត។ នេះអាចសន្សំពេលវេលា បានច្រើន។

៤ Screenshot កាន់តែស្រួល

ប្រព័ន្ធផ្ដល់ភាពងាយស្រួលដល់អ្នកប្រើប្រាស់ថតអេក្រង់ (Screenshot), អាចបង្ហាញ ឬលាក់ Cursor ក្នុងរូបភាព និងមានវិធីថ្មីក្នុងការចែករំលែក និងរៀបចំបណ្ដុំរូបភាពថតបាន មានភាពងាយស្រួល។

៥ Quick Look

Quick Look អាចអនុវត្តការងារណាមួយលើ File ឬ ឯកសារ ដោយមិនតម្រូវបើកកម្មវិធី។ masOS Mojave អាចប្រើរួមជាមួយ Markup tools ដូចជាបន្ថែម Signature បង្វិល និងតម្រឹមរូបភាព ហើយសូម្បីតែកាត់តវីដេអូ។

៦ Mac App Store ទម្រង់ថ្មី

Apple បានរចនាឡើងវិញចំពោះ Mac App Store សម្រាប់តម្រូវប្រព័ន្ធ MacOS Mojave។ ការផ្លាស់ប្ដូរធំបំផុតគឺរូបរាង ដោយអាចឃើញវីដេអូ អត្ថបទ អំពីកម្មវិធីពេញនិយមប្រើប្រាស់ក្នុង Store ដូច្នេះងាយសិក្សាបន្ថែមពីកម្មវិធីនានា មុនពេលទាញយក។

Mac App Store ក៏ផ្ដល់វិធីថ្មី ក្នុងការស្វែងរកកម្មវិធី ជាមួយ Tab Discover, Create, Work, Play និង Develop។

៧ សុវត្ថិភាព

Apple device ល្បីខ្លាំងត្រង់សុវត្ថិភាពនេះឯង ហើយប្រព័ន្ធ MacOS Mojave ផ្ដល់ Control កាន់តែប្រសើរដល់អ្នកប្រើប្រាស់ក្នុងការគ្រប់គ្រងទិន្នន័យ។

រាល់កម្មវិធី ត្រូវតែមានការអនុញ្ញាតពីអ្នក មុនពេលអាចចូលប្រើ កាមេរ៉ា ឬ Microphone របស់ Mac រួមទាំង Messages history ឬ Mail database។

ប្រព័ន្ធការពារការតាមដានដ៏ឆ្លាតវៃ (Intelligent Tracking Prevention System) របស់ Apple នឹងជួយសម្រួល ផ្ដល់ព័ត៌មានទាក់ទងនានា ទៅនឹងវេបសាយ កំពុងប្រើប្រាស់ ដូចជាជួយបិទប៊ូតុង Like និង Share។ អ្នកក៏មានជម្រើសអនុញ្ញាតឲ្យបង្ហាញផងដែរ បើចង់បាន៕