ប្រវត្តិអ្នកម្នាង អ៊ុក ផល្លា អតីតតួអង្គអប្សរាសដ៏ល្បីល្បាញ

2018-06-18 03:54:38
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកម្នាង អ៊ុក ផល្លា កើតថ្ងៃទី២៧ ខែកក្កដា ឆ្នាំ១៩៧៩ ជាអតីតតួអង្គអប្សរាស ក្នុងរបាំព្រះរាជទ្រព្យដ៏ល្បីល្បាញនៅក្នុងប្រទេសកម្ពុជា និងលើឆាកអន្តរជាតិ នាអំឡុងឆ្នាំ១៩៩០។ អ្នកម្នាងមានចូលហាត់របាំនៅសាលាភូមិន្ទវិចិត្រសិល្បៈតាំងពីអាយុ៩ឆ្នាំមកម្ល៉េះ ហើយបានចេញសម្តែងលើកដំបូងក្នុងវ័យ១៣ឆ្នាំ។ នាដការដ៏ល្បីល្បាញរូបនេះមិនត្រឹមតែមានទេពកោសល្យលើផ្នែករបាំប៉ុណ្ណោះទេ ថែមទាំងមានរូបឆោមស្រស់សោភាទៀតផង។

តួឯករបាំអប្សរា អ៊ុក ផល្លា បានរៀបពិពាហ៍ពិពាហហ៍ជាមួយឯកឧត្តម វេង សេរីវុឌ្ឍ ដែលកាលណោះ មានតួនាទីជារដ្ឋមន្រ្តីក្រសួង ទេសចរណ៍។ មិនយូរប៉ុន្មានជីវិតអាពាហ៍ពិពាហ៍របស់អ្នកនាង អ៊ុក ផល្លា បានដល់ផ្លូវបំបែក។

ក្រោពីបែកបាក់ពីអតីតស្វាមី ឯកឧត្តម វេង សេរីវុឌ្ឍ អ្នកនាងអ៊ុក ផល្លា ត្រូវបានសម្តេចក្រុមព្រះនរោត្តម រណឬទ្ធិ សព្វព្រះទ័យ និងបានសាងជីវិតគ្រួសារជាមួយគ្នាក្រោយពីព្រះអង្គបានលែងលះជាមួយអ្នកម្នាង មារី រណឫទ្ធិ។ អ្នកម្នាង អ៊ុក ផល្លា និងសម្តេចក្រុមព្រះនរោត្តមរណឫទ្ធិ មានបុត្រ២ព្រះអង្គ គឺ នរោត្តម រណវង្ស និង នរោត្តម សុធាឫទ្ធិ។

នៅក្នុង២០១៨ នេះ អ្នកម្នាងបានចូលប្រឡូកក្នុងឆាកនយោបាយជាមួយព្រះស្វាមី សម្តេចក្រុមព្រះ នរោត្តមរណឫទ្ធិ ដោយអ្នកម្នាងបានឈរឈ្មោះជាបេក្ខជនតំណាងរាស្ត្រពេញសិទ្ធិ លំដាប់លេខរៀងទី១ នៃគណបក្សហ្វ៊ុនស៊ិនប៉ិច មណ្ឌលព្រៃវែង សម្រាប់បោះឆ្នោតជ្រើសតាំងតំណាងរាស្ត្រ នីតិកាលទី៦ នាថ្ងៃទី២៩ ខែកក្កដា ឆ្នាំ២០១៨ ខាងមុខនេះ។

ជាអកុសលអ្នកម្នាង អ៊ុក ផល្លា បានទទួលមរណៈភាពនៅថ្ងៃទី១៧ ខែមិថុនា ឆ្នាំ២០១៨នេះ ដោយឧបទ្ទវហេតុគ្រោះថ្នាក់ចរាចរណ៍ នៅផ្លូវជាតិលេខ៤ ក្នុងស្រុកព្រៃនប់ ខេត្តព្រះសីហនុ ខណៈអ្នកម្នាងរួមដំណើរជាមួយព្រះស្វាមី យាងចុះសួរសុខទុក្ខប្រជាជនដែលជាសមាជិក សមាជិកា គណបក្សហ្វុនស៊ិចប៉ិច នៅខេត្តព្រះសីហនុ៕

អត្ថបទ៖ ដេត ធន្នី