ដឹងទេមន្ត្រីក្នុងតំណែងណាខ្លះត្រូវតែងតាំងដោយ ព្រះរាជក្រឹត្យ ឬអនុក្រឹត្យ?

2018-06-21 03:11:30
ចំនួនមតិ 0 | ចំនួនចែករំលែក 0

ចន្លោះមិនឃើញ

មុខតំណែងខ្លះក្នុងជួរមន្ត្រីរាជការត្រូវតែងតាំងដោយព្រះរាជក្រឹត្យ ខ្លះទៀតដោយអនុក្រឹត្យ និងមានរហូតដល់ដីការបស់អភិបាលនៃគណៈអភិបាលរាជធានីខេត្តក៏មានដែរ ដោយអាស្រ័យលើមុខតំណែងនីមួយៗ។

(រូបភាព៖ ហ្វេសប៊ុកក្រសួងមុខងារសាធារណៈ)

ក្នុងបឋកថាមួយធ្វើឡើងនៅថ្ងៃទី២០ ខែមិថុនា ឆ្នាំ២០១៨ នៅសាលាភូមិន្ទរដ្ឋបាល និងត្រូវបានផ្សព្វផ្សាយបន្តលើទំពរហ្វេសប៊ុករបស់ក្រសួង ឯកឧត្តម យក់ ប៊ុនណា រដ្ឋលេខាធិការក្រសួងមុខងាសារធាណៈ បង្ហាញពីការតែងតាំង ការផ្លាសប្តូរ និងបញ្ចប់តំណែងរបស់មន្ត្រីរាជការ។

បើតាមឯកឧត្តម យក់ ប៊ុនណា មន្ត្រីមានតំណែងជាអគ្គលេខាធិការ អគ្គនាយក អគ្គាធិកា សាកលវិទ្យាធិការ អភិបាលរាជធានី ខេត្ត ឬតំណែងប្រហាក់ប្រហែលត្រូវតែងតាំងដោយព្រះរាជក្រឹត្យ។

ចំណែងតំណែងជាអគ្គលេខាធិការរង អគ្គនាយករង អគ្គាធិការង សាកលវិទ្យាធិការរង អភិបាលរងរាជធានី ខេត្ត អភិបាលក្រុង ស្រុក ខណ្ឌ ឬតំណែងប្រហាក់ប្រហែលត្រូវតែងតាំងដោយអនុក្រឹត្យ។

សម្រាប់ប្រកាសរបស់ក្រសួងវិញគឺតែតាំងក្នុងតំណែងអនុប្រធាននាយកដ្ឋាន ប្រធានការិយាល័យថ្នាក់ណ្តាល នាយករដ្ឋបាល ប្រធានមន្ទីររាជធានី ខេត្ត ឬតំណែងប្រហាក់ប្រហែល។

ដោយឡែកដីការបស់អភិបាលនៃគណៈអភិបាលរាធានី ខេត្ត វិញគឺអាចតែតាំងមុខតំណែងដូចជាអនុប្រធានមន្ទីររាជធានី ខេត្ត ប្រធានការិយាល័យថ្នាក់រាជធានី ខេត្ត ក្រុង ស្រុក ខណ្ឌ ឬតំណែងប្រហាក់ប្រហែល។ នេះបើតាមឯឧត្តអនុរដ្ឋលេខាធិការដដែល៕

ចុចអាន៖