ហេតុអ្វីព្រះស្វាមី និងព្រះជាយា នៃគ្រួសាររាជវង្សអង់គ្លេស មិនកាន់ហត្ថគ្នានៅទីសាធារណ?

2018-08-01 02:35:42
ចំនួនមតិ 0 | ចំនួនចែករំលែក 0

ចន្លោះមិនឃើញ

មនុស្សជាច្រើននៅលើពិភពលោក កំពុងតែចាប់អារម្មណ៍ និងចង់ដឹងរឿងរ៉ាវទាក់ទងនឹងគ្រួសាររាជវង្សអង់គ្លេស។ បើទោះបីជារឿងរ៉ាវជាច្រើនត្រូវបានចេញផ្សាយ ប៉ុន្តែក៏នៅមានសំណួររាប់រយទៀត ចោទសួរ និងចង់ដឹងពីគ្រួសារដ៏ខ្ពង់ខ្ពស់នេះដដែល។

ជាក់ស្ដែង មនុស្សមិនតិចទេដែលងឿងឆ្ងល់ថា ហេតុអ្វីបានជាព្រះស្វាមី និងព្រះជាយា នៃគ្រួសាររាជវង្សអង់គ្លេស មិនកាន់ហត្ថគ្នា?

ព្រះអង្គម្ចាស់ Harry និង ព្រះជាយា Meghan Markle នៅក្នុងថ្ងៃប្រកាសភ្ជាប់ពាក្យ (ក្នុងខែវិច្ឆិកា ឆ្នាំ២០១៧) និង រយៈពេល២ខែបន្ទាប់ពីរៀបអភិសេករួច (ក្នុងខែកក្កដា ឆ្នាំ២០១៨)

ជាការពិតណាស់ ព្រះស្វាមី និងព្រះជាយានៃគ្រួសាររាជវង្សអង់គ្លេស មិនកាន់ហត្ថគ្នានៅទីសាធារណឡើយ ឬធ្វើវាយ៉ាងកម្របំផុត។ ឧទាហរណ៍ ព្រះអង្គម្ចាស់ William និង ព្រះជាយា ហើយសូម្បីតែព្រះមហាក្សត្រិយានី Elizabeth II និងព្រះអង្គ Philippe ក៏មិនកាន់ហត្ថគ្នាញឹកញាប់ដែរ។

ព្រះមហាក្សត្រិយានី Elizabeth II និងព្រះអង្គ Philippe

ទោះបីជាយ៉ាងណាក៏ដោយ មិនមានការហាមឃាត់ជាផ្លូវការ សម្រាប់ការកាន់ហត្ថគ្នាទេ ប៉ុន្តែព្រះស្វាមី និងព្រះជាយានៃគ្រួសាររាជវង្សអង់គ្លេស បង្ហាញពីតម្លៃរបស់ពួកទ្រង់តាមរបៀបនេះ។

គួររំលឹកឲ្យដឹងថា មុនពេលរៀបអភិសេក ព្រះអង្គម្ចាស់ Harry បានបង្ហាញព្រះកាយជាសាធារណៈ ជាមួយព្រះជាយា Meghan Markle ដោយបានកាន់ហត្ថ និងឱបគ្នាថែមទៀតផង។ ផ្ទុយទៅវិញ បន្ទាប់ពីរៀបអភិសេករួច ពួកទ្រង់រក្សាគម្លាតពីគ្នា ជាពិសេសក្នុងអំឡុងព្រឹត្តិការណ៍ និងកិច្ចប្រជុំសំខាន់ៗ។

ព្រះអង្គម្ចាស់ William និង ព្រះជាយា

យ៉ាងណាក៏ដោយ វាអាស្រ័យទៅលើព្រះស្វាមី និងព្រះជាយានោះប៉ុណ្ណោះ។ ជាមួយគ្នានេះ វាក៏អាស្រ័យលើស្ថានភាពនៃព្រឹត្តិការណ៍ដែរ ប្រសិនបើព្រឹត្តិការណ៍កាន់តែធំ ច្បាប់វិន័យក៏កាន់តែតឹងរ៉ឹងដែរ៕

ចុចអាន៖