ទស្សនារូបភាពពេញដោយអត្ថន័យនៅថ្ងៃបញ្ចប់ការសិក្សារបស់ Minzy

2018-08-18 02:11:31
ចំនួនមតិ 0 | ចំនួនចែករំលែក 0

ចន្លោះមិនឃើញ

អតីតសមាជិកក្មេងជាងគេប្រចាំក្រុមចម្រៀង 2NE1 បានបញ្ចប់ការសិក្សាដោយជោគជ័យហើយកាលពីម្សិលមិញ ពីសាកលវិទ្យាល័យ Baekseok។

នៅថ្ងៃទី ១៧ ខែសីហា Minzy ដែលជាអតីតសមាជិកក្រុម 2NE1 បានបង្ហោះរូបភាពជាច្រើនសន្លឹកពីពិធីបញ្ចប់ការសិក្សា នៅមហាវិទ្យាល័យ Christian ហើយទាំងសាមីខ្លួន និងគ្រួសារពិតជារំភើបរីករាយបំផុត។

អមជាមួយរូបភាពដែលបានបង្ហោះនោះ Minzy បានសរសេរថា៖ «អរគុណចំពោះសាស្ត្រាចារ្យ និងមិត្តភ័ក្ដិខ្ញុំទាំងអស់ដែលបាននៅក្បែរខ្ញុំអស់រយៈពេលជាយូរមកនេះ ហើយក៏អរគុណចំពោះអ្នកគ្រប់គ្នាដែលតែងលើកទឹកចិត្តគាំទ្រខ្ញុំជារៀងរហូតមក ក្នុងរយៈពេល ៤ឆ្នាំនៅសាកលវិទ្យាល័យនេះ»។

A post shared by MINZY (@_minzy_mz) on Aug 16, 2018 at 9:10pm PDT

នៅពេលបង្ហោះរូបគ្រួសារ នាងក៏បានសរសេរថា៖ «ខ្ញុំស្រឡាញ់អ្នក គ្រួសារជាទីស្រឡាញ់» និង «ស្ដាយណាស់ Gong Dougie មិននៅទីនេះ» (សំដៅលើឆ្កែរបស់នាង)។

នេះជាពេលវេលាមានន័យបំផុតក្នុងជីវិតរបស់នាង ព្រោះនាងបានសម្រេចជោគជ័យថ្មីមួយទៀត គឺបានបញ្ចប់ការសិក្សាជាស្ថាពរ ព្រមទាំងទទួលបានសញ្ញាប័ត្រ Christian Theology នេះ ក្រោយចូលរៀននៅសាកលវិទ្យាល័យ Baekseok កាលពីឆ្នាំ ២០១៤៕

ប្រភព៖ Allkpop ប្រែសម្រួល៖ យី សុធារី