ឡុង សាលវ័ន្ត ឡុង សុភី ប៉ឺត ខាំ ស្អកកមិនស្ទើរទម្រាំ ឡុង សំណាង បានខ្សែក្រវាត់

2018-09-12 08:36:45
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្ងៃផ្ដាច់ព្រ័ត្រខ្សែក្រវាត់របស់ ឡុង សំណាង ក្លឹបសាលវ័ន្តកីឡាមានទាំងគ្រូធំ និងសិស្សច្បងច្រើនរូប លើកគ្នាទៅលើកទឹកចិត្ត និងបន្ថែមយុទ្ធសាស្ត្រនានាដល់សង្វៀនប្រកួតតែម្ដង ទម្រាំអាចឈ្នះក្នុងប្រកួតដ៏សំខាន់នោះ។

ឡុង សុភី និង បឺត ខាំ កំពុងឲ្យទឹក

កាលពីរសៀលថ្ងៃអាទិត្យ ទី៩ ខែកញ្ញា ២០១៨ ដែលជាវគ្គផ្ដាច់ព្រ័ត្ររបស់ ឡុង សំណាង នៅសង្វៀនអាស៊ីអាគ្នេយ៍សប្ដាហ៍មុននេះ គេឃើញមានអ្នកទស្សនាកកកុញតែម្ដង។ ក្រៅតែពីអ្នកគាំទ្រផងនោះ លោកគ្រូ ឡុង សាលវ័ន្ត ដែលជាគ្រូធំរបស់ក្លឹប និង ឡុង សុភី បឺត ខាំ រួមទាំង ផាន់ ផាត់យុទ្ធ ផងដែរ ដែលបានទៅជួយឲ្យទឹក និងជួយប្រាប់នៅពេលប្រកួត។

ឡុង សុភី និង បឺត ខាំ កំពុងឲ្យទឹក

ចាប់តាំងតែ ពីទឹកទី១ រហូតដល់ទឹកទី៥បញ្ចប់ការប្រកួត គេសង្កេតឃើញលោកគ្រូធំខាងលើ ព្យាយាមស្អែកពីខាងក្រោម ឲ្យវ៉ៃទៅតាមយុទ្ធសាស្ត្ររបស់លោកពេលឃើញជាក់ស្ដែង ចំណែក ឡុង សុភី ជាអ្នកឡើងឲ្យទឹកដំបូង ខណៈ បឺត ខាំ ចាប់ជួយនៅខាងក្រៅសង្វៀន។ ដោយមិនអស់ចិត្ត បឺត ខាំ ក៏ឡើងប្ដូរ ឡុង សុភី ឲ្យចុះមកវិញ ទុករូបគេជាអ្នកឲ្យទឹក និងប្រាប់យុទ្ធផ្ទាល់វិញម្ដង។ ទម្រាំឈ្នះខ្សែក្រវាត់របស់អាស៊ីអាគ្នេយ៍ខាងលើនេះ គ្រូ និងសិស្សច្បងទាំងនេះស្រែកស្អកកមិនស្ទើរឡើយ។

ឡុង សំណាង ក៏ប្រាប់ដែរថា រូបគេពិតជាសប្បាយរីករាយជាខ្លាំងនៅពេលដែលឃើញ ឪពុកបង្កើត និងប្អូនមួយចំនួន រួមទាំងគ្រូផង សិស្សច្បងថែមទាំងទៀតមកលើកទឹកចិត្ត និងជួយខ្លួនឲ្យប្រកួតឈ្នះខ្សែក្រវាត់ទម្ងន់ ៦៣,៥គីឡូក្រាមនេះ។

ឡុង សុភី និង បឺត ខាំ កំពុងឲ្យទឹក

រំលឹកដែរថា កីឡាករ ឡុង សំណាង ឈ្នះពិន្ទុកីឡាករថៃ ពិក ធៀង ក្នុងវគ្គផ្ដាច់ព្រ័ត្រខ្សែក្រវាត់សង្វៀនអាស៊ីអាគ្នេយ៍ទម្ងន់៦៣,៥គីឡូក្រាម កាលពីរសៀលថ្ងៃអាទិត្យ ទី៩ ខែកញ្ញា ឆ្នាំ២០១៨កាលពីសប្ដាហ៍មុននេះ៕