គូជក់ចិត្ត លន បញ្ញា ប៉ះ ម៉ឺន មេឃា អ្នកចាញ់ហាលអាវត្រឹមនេះ
- 2018-09-14 07:35:42
- ចំនួនមតិ 0 | ចំនួនចែករំលែក 0
គូជក់ចិត្ត លន បញ្ញា ប៉ះ ម៉ឺន មេឃា អ្នកចាញ់ហាលអាវត្រឹមនេះ
ចន្លោះមិនឃើញ
ការប៉ះគ្នារវាងកីឡាករកំពុងឡើងថ្វីដៃ លន និង ម៉ឺន មេឃា ក្នុងជុំទី៣នៃពានរង្វាន់សង្វៀនប៉ុស្តិ៍លេខ៥ នឹងត្រូវធ្វើឡើងនាថ្ងៃសៅរ៍ស្អែកនេះហើយ។ គូនេះទៀតសោធអាចជាការប្រកួតដ៏ជក់ចិត្តមួយ ព្រោះម្នាក់ៗត្រូវការឈ្នះដាច់ខាតឡើងទៅវគ្គបន្ត។
លន បញ្ញា ត្រូវបានមហាជនអ្នកនិយមប្រដាល់ចាប់អារម្មណ៍គួរសមតាមរយៈសមត្ថភាពប្រកួតដ៏ល្អកម្រនិងចាញ់ ខណៈការប្រកួតម្ដងៗជក់ចិត្តបើទោះជាគេវ៉ៃត្រឹមទម្ងន់ ៥៧ ឬ៦០គីឡូក្រាមក្ដី។ កីឡាកររូបនេះមានកាយសម្បទាខ្ពស់ល្អ អាចចេញស្នៀតប្រយុទ្ធបានទាំងអស់ ប៉ុន្តែមិនជាសូវមានទម្ងន់ឡើយ។
ចំណែក ម៉ឺន មេឃា ក៏ជាកីឡាករល្អ និងល្បីគួរសមដែរ ក្រៅតែជាអ្នកប្រដាល់គុនខ្មែរក៏ជាជម្រើសជាតិថ្នាល់ប្រដាល់សកលផងដែរ។ កូនប្រុសរបស់លោក អេ ភូថង រូបនេះគឺឃើញឈ្នះការប្រកួតជាហូរហែផងដែរមួយរយៈពេលចុងក្រោយនេះ។ ស្នៀតល្អរបស់ជើងខ្លាំងខាងលើ គឺកណ្ដាប់ដៃ និងទាត់។ ការប៉ះគ្នាល្ងាចស្អែកនេះ នឹងល្អមើលតែម្ដង អាចនិយាយបានថាគូនេះគឺ ៥០-៥០ ដូចគ្នា អ្នកណាវ៉ៃបានច្រើននោះនឹងឈ្នះ។
រំលឹកដែរថា ការប្រកួតជម្រុះជុំទី៣នៃពានរង្វាន់ TV5 លើប្រភេទទម្ងន់៦០គីឡូក្រាមនេះ គឺមាន២គូ លន បញ្ញា ប៉ះ ម៉ឺន មេឃា ខណៈ ពុទ្ធ សំបូរ ប៉ះ លិញ ភារម្យ នាថ្ងៃសៅរ៍ ទី១៥ ខែកញ្ញា ឆ្នាំ២០១៨ ចាប់ពីម៉ោង៦ល្ងាចតទៅ។ អ្នកឈ្នះនឹងបានឡើងទៅជុំទី៤ វគ្គពាក់កណ្ដាលផ្ដាច់ព្រ័ត្រតែម្ដង៕
© រក្សាសិទ្ធិគ្រប់យ៉ាងដោយ Sabay ឆ្នាំ២០១៦
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
