ប្រុសស្អាតខ្មែរយើង ត្រូវការការបោះឆ្នោតបន្ថែម

2014-11-15 17:07:47
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រុសស្អាតខ្មែរយើង គឺលោក អ៊ុំ សយពិនណារ៉ុង តារាសម្ដែង និង ម៉ូដែលក្នុងក្រុម Hamsa Cambodia បានចេញទៅប្រកួតក្នុងកម្មវិធីមួយ ដែលមានឈ្មោះថា Star Hunk International Contest 2014 នៅប្រទេស សិង្ហបុរី កាលពីថ្ងៃ ទី១៣ ខែ វិច្ឆិកា ឆ្នាំ២០១៤ ថ្ងៃព្រហស្បតិ៍មុននេះ ខាងមុននេះ។

លោក អ៊ុំ សយពិនណារ៉ុង ក្នុងតារាងប្រកួតរបស់កម្មវិធី

មកទល់ថ្ងៃនេះ ប្រុសស្អាតខ្មែរ កំពុងស្ថិតនៅក្នុងចំណាត់ថ្នាក់មិនទាន់ល្អប្រសើរនៅឡើយ ធៀបនឹងបេក្ខជនផ្សេងៗទៀតដែលមកពី១៧ប្រទេសជុំវិញពិភពលោក ស្មើនឹង៣៣រូប(១ប្រទេសមានបេក្ខជន៣រូប លើកលែងកម្ពុជាដែលមានតែ១រូប)។ តាមទិន្នន័យពីកម្មវិធី ពិនណារ៉ុង កំពុងស្ថិតនៅលំដាប់ទី១៦ ដោយចំនួនបោះឆ្នោតគាំទ្រត្រឹមតែ ១៥៧សំឡេងប៉ុណ្ណោះ គឺនៅពីក្រោមបេក្ខជនមកពីប្រទេសជាច្រើនទៀត។

អត្ថបទ៖ តារាប្រុសម្នាក់ត្រៀមទៅដណ្ដើមពាននៅ សិង្ហបុរី

លោក មាស ណារ៉ូ អ្នកគ្រប់គ្រង Hamsa Entertainment Cambodia និងជាប្រធានក្រុមម៉ូដែល Hamsa Super Model ថ្លែងថា យោងលើលទ្ធផលនេះ បេក្ខជនតំណាងកម្ពុជាត្រូវការការបោះឆ្នោតគាំទ្របន្ថែមទៀត។ "យើងមិនសង្ឃឹមដល់ជ័យលាភីតែម្ដងនោះទេ គឺគ្រាន់តែធ្វើយ៉ាងណា ជួយឲ្យបេក្ខភាពរបស់យើងមានលំដាប់លេខរៀងប្រសើរជាងនេះបន្តិចប៉ុណ្ណោះ។ ដូច្នេះសូមជួយបោះឆ្នោតគាំទ្រគាត់ផង!”។

សម្រាប់ការបោះឆ្នោតគាំទ្របេក្ខភាពរបស់យើង សូមចុចទីនេះ ប៉ុន្តែយ៉ាងណា លក្ខខណ្ឌតម្រូវឲ្យចំណាយ៣ដុល្លារសម្រាប់ការបោះឆ្នោតម្ដង៕

អត្ថបទ៖ ទារិកា