ត្រឹម ១៥ នាទីចោរជើងខ្លាំង ធ្វើស៊ីកាមេរ៉ា និងលែន Leica ខាតបង់ប្រហែល ២ សែនដុល្លារ

2018-10-01 11:28:55
ចំនួនមតិ 0 | ចំនួនចែករំលែក 0

ចន្លោះមិនឃើញ

ហាងលក់កាមេរ៉ាដ៏ល្បីឈ្មោះមួយនៅចក្រភពអង់គ្លេសត្រូវបានក្រុមចោរចូលធ្វើសកម្មភាពកាលពីថ្ងៃពុធកន្លងទៅនេះ បាត់បង់កាមេរ៉ានិងលែន Leica អស់ជាច្រើនគ្រឿង សរុបជាសាច់ប្រាក់ខាតបង់ប្រហែល ២០០ ០០០ ដុល្លារ ។

រូបតំណាង Leica S (Type 007)

ហាងលក់ Ffordes មានទីតាំងនៅភាគខាងជើងប្រទេសស្កុតឡែន បានឲ្យដឹងថាក្រុមចោរមានគោលដៅតម្រង់ទៅតែលើស្លាកយីហោ Leica មួយគត់។ ត្រឹមមួយពព្រិចភ្នែកកាមេរ៉ានិងគ្រឿងបរិក្ខារក្នុងទូតាំងឥវ៉ាន់ចំនួន ២ ត្រូវកកាយចូលកាបូបម៉ត់គ្មានសល់ ដោយមានឈុតកាមេរ៉ា **Leica S** ចំនួន ៣ ឈុត (១ ឈុតថ្លៃ ២០ ០០០ ដុល្លារ) កាមេរ៉ា **Leica M** (Type 24) ចំនួន ១២ គ្រឿង (មួយគ្រឿងថ្លៃ ៦ ០០០ ដុល្លារ) និងលែន Leica M ចំនួន ៦០ គ្រឿងបន្ថែមទៀត។

អ្នកគ្រប់គ្រងហាងលោក Alister Bowie បានប្រាប់ PetaPixel យ៉ាងដូច្នោះថា៖ "ប៉ូលិសបានប្រាប់ឲ្យដឹងថាក្រុមចោរលបមើលពួកយើងជាច្រើនសប្តាហ៍ ហើយពួកគេក៏បានបន្លំខ្លួនធ្វើជាអតិថិជនមកមើលស្ថានភាពខាងក្នុងហាងមិនតិចជាងមួយដង ខណៈបានសិក្សាច្បាស់បំផុតពីថេរវេលានៃការមកដល់របស់នរណាម្នាក់ឬប៉ូលិស"។

លោកសង្កត់ធ្ងន់៖ "ក្រុមចោរមានជំនាញខ្លាំងបំផុត ដោយប្រើពេលចូលនិងចេញទៅវិញត្រឹម ១៥ នាទីប៉ុណ្ណោះ"។