Brand ផលិតផលស្បែកនេះ ល្បីកាន់ឆ្នាំនៅអឺរ៉ុប តែទើបបោះជំហានចូលអាស៊ី ព្រោះហេតុផល១

2018-11-06 06:00:42
ចំនួនមតិ 0 | ចំនួនចែករំលែក 0

ចន្លោះមិនឃើញ

មានប្រភពដើមនៅប្រទេសអាល្លឺម៉ង់ AIGNER ជាកាបូបស្បែកសុទ្ធមាននិមិត្តសញ្ញារាងក្រចកជើងសេះ ភ្ជាប់ជាមួយការច្នៃម៉ូដបែបស៊ីវិល័យ ធ្វើឡើងដោយផ្ចិតផ្ចង់ បានធ្វើឲ្យអ្នកចូលចិត្ត Fashion បែបប្រណិត ឈ្លក់វង្វេងពីភាពទាន់សម័យបែបថ្លៃថ្នូរ ប្រណិតភាព និងភាពលេចថ្លូររបស់វា ពីមួយជំនាន់ទៅមួយជំនាន់ អស់រយៈពេលជាង ៥០ ឆ្នាំមកហើយ។

ជាមួយកិត្តិនាមលើគុណភាពកាបូបស្បែក AIGNER បានឈានជើងចូលទីផ្សារអស់ រយៈពេលជាងកន្លះសតវត្សមកហើយ។ មានសំនួរមួយលើកឡើងថាហេតុអ្វីបានជាម៉ាកនេះនៅមិនទាន់មានគេស្គាល់ច្រើនដូច ម៉ាក Hermes, Louis Vuitton, និង Dior ដែលជាផលិតផលប្រណិតមានដើមកំណើតនៅអឺរ៉ុបដូចគ្នា។ ចម្លើយគឺត្រូវបានផ្តោតលើស្ថាបនិកដើមរបស់ម៉ាកនេះ គឺលោក Etienne Aigner ។

AIGNER ស្រលាញ់ភាពឥតខ្ចោះនៃការផលិតកាបូបដោយដៃ ហេតុនេះហើយទើបលោកផ្តោតលើគុណភាព និងការច្នៃប្រឌិតម៉ូដថ្មីតម្រូវទីផ្សារអឺរ៉ុបជាចម្បង ដោយមិនប្រញាប់ជ្រៀតចូលទីផ្សារអាស៊ី។

ទោះបីលោក Etienne Aigner បានទទួលមរណភាពតាំងពីឆ្នាំ ២០០០ ក្ដី ក៏កិត្យានុភាពនៃម៉ាកនេះនៅតែបន្តបោះជំហាន ឆ្លងពីតំបន់មួយទៅតំបន់មួយ ពីជំនាន់មួយទៅជំនាន់មួយទៀតជានិច្ច។ ដោយប្រកាន់ខ្ជាប់នូវការផលិតដោយដៃយ៉ាងផ្ចិតផ្ចង់ រួមនិងគំនិតច្នៃប្រឌិតខ្ពស់ តាមតម្រូវការរបស់អ្នកប្រើប្រាស់។ ហេតុផលនេះហើយ ដែលធ្វើឲ្យ AIGNER បានរក្សានូវកម្រិតគុណភាពរបស់ខ្លួន ប្រណិតជាងគេលើពិភពលោក ព្រមទាំងទទួលបានការគាំទ្រ និងឲ្យតម្លៃពីសំណាក់អ្នកគាំទ្រ។

ជាក់ស្ដែង ក្នុងឆ្នាំ ២០១៣ AIGNER បានបង្កភាពភ្ញាក់ផ្អើល ក្រោយបង្ហាញខ្លួននៅកម្មវិធីបង្ហាញម៉ូដដ៏ធំអស្ចារ្យមួយគឺ Milan Fashion Shows ក្នុងប្រទេសអ៊ីតាលីដោយទទួលបានការគាំទ្រយ៉ាងខ្លាំង។ បន្ទាប់មកទៀត នៅឆ្នាំ ២០១៥ AIGNER បានពង្រីកបន្ថែមសាខាថ្មីរហូតជាង ២០សាខា នៅជិត និងចុងតំបន់បូព៌ា ដោយវាយលុកជាពិសេសទៅលើគុណភាព ក្នុងចំណោមឧស្សាហកម្មផលិតតផលធ្វើពីស្បែកទាំងឡាយ។

បច្ចុប្បន្ន ម៉ាកប្រណិតបែបនេះ ត្រូវបានគ្រប់គ្នាទទួលស្គាល់ថា ជាផលិតផលធ្វើដោយដៃ ដែលមានគុណភាពខ្ពស់ និងប្រណិតជាងគេបំផុត ព្រោះវាមានការច្នៃម៉ូតដ៏ម៉ត់ចត់របស់ជនជាតិអាល្លឺម៉ង់ និងអត្តសញ្ញាណប្រពៃណីរបស់អ៊ីតាលី។ ដូច្នេះហើយ ទើបគេឲ្យឈ្មោះ AIGNER ថា ជាម៉ាករបស់អាល្លឺម៉ង់ ដែលមានភ្ជាប់អត្តសញ្ញាណអ៊ីតាលី។

រដូវកាលថ្មីនៃឆ្នាំ ២០១៨ នេះ AIGNER បានប្រមូលការចាប់អារម្មណ៏ពីមនុស្សគ្រប់ទិសទី ជាមួយពណ៌ចម្រុះ និងរូបរាងថ្មីរបស់ខ្លួន។ ម្ដងនេះ AIGNER បានសហការជាមួយវិចិត្រករផ្នែក Wunderkammer ដ៏ល្បីម្នាក់គឺលោក Quentin Jones ដើម្បីដាក់បញ្ចូលគំនូរដែលប្រកបដោយភាពស្មុគស្មាញ បុរាណភាព និងភាពអាថ៌កំបាំងចូលទៅគ្រប់ផលិតផលទាំងអស់របស់ខ្លួន មិនថា កាបូប ស្បែកជើង គ្រឿងអលង្ការ ឬវ៉ែនតា ឡើយ។

ម៉ូដថ្មីប្រចាំរដូវស្លឹកឈើជ្រុះ និងរដូវរងាដែលមានឈ្មោះថា AIGNER Wunderkammer នេះ កំពុងក្លាយជាគោលដៅរបស់អ្នកស្រឡាញ់ Fashion សឹងគ្រប់ៗគ្នាក្នុងឆ្នាំ ២០១៨។ ម៉ាកល្បីដែលមានម៉ូដទំនើបៗ Update ឡើងជាប្រចាំនេះ ក៏មានលក់នៅកម្ពុជាដែរ ដោយអ្នកអាចទៅសាកល្បង និងទិញផ្ទាល់បាននៅផ្សារទំនើប EXCHANGE SQUARE ជាន់ផ្ទាល់ដី៕