មួន ចំណាន សុំចិត្តយុវវ័យខ្មែរ ងាកមកប្រើបច្ចេកវិទ្យា Google Local ឲ្យពិភពលោកស្គាល់

2018-11-21 01:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

Google Local Guides ជាកន្លែងបើកទូលាយមួយដែលមិនប្រកាន់ថានរណា ឬនរណាទេ គ្រាន់តែពួកគាត់ចូលចិត្តថតរូបភាពដាក់លើ Google ក៏អាចក្លាយជា Google Local guides បានដែរមិនចាំបាច់ទាល់តែអ្នកជំនាញនោះទេ គោលបំណងគឺចង់ឱ្យមានការចូលរួម និងធ្វើឱ្យសហគមន៍ Local Guides នៅក្នុងប្រទេសកម្ពុជា ដើម្បីឲ្យពិភពលោកបានស្គាល់កាន់តែច្បាស់ និងមានភាពប្រសើរឡើង។

កម្មវិធី Google Local Guides

លោក មួន ចំណាន ជាបុគ្គលមួយរូបដែលចូលចិត្តបច្ចេកវិទ្យា ហើយថែមទាំងបានចំណាយពេលស្ទើរ ២៤ ម៉ោងរាល់ថ្ងៃលើ Google Local guides ដើម្បីទៅដៅ(rate និង reviews) កន្លែងនានាទូទាំងប្រទេសកម្ពុជា ដើម្បីឲ្យពិភពលោកបានស្គាល់ពីតំបន់ទេសចរណ៍ស្អាតៗលើទឹកដីសុវណ្ណភូមិ។

លោក មួន ចំណាន ពេលបានទៅជួបជុំសហគមន៍អ្នក Local guides ប្រទេសដទៃ

លោកបានប្រាប់ឲ្យដឹងថា តួនាទីជា Google Local Guides មិនទាមទារអ្វីច្រើននោះទេ គ្រាន់តែអ្នកទាំងអស់គ្នាថតរូប ឬ Upload រូបភាពស្អាតៗដាក់លើ Google រួចដៅផែនទី ចូលចិត្តប្រើផែនទីនៅលើ Google Map ឬ Google Street View។

ការចូលរួមត្រូវមានអាយុចាប់ពី ១៨ ឆ្នាំឡើងទៅ មានគណនី Gmail មួយនិងត្រូវដៅទីតាំងឬទីក្រុងដែលអ្នកកំពុងរស់នៅមួយច្បាស់លាស់ដូចជា ទីក្រុងភ្នំពេញជាការស្រេច។

បុរសវ័យជាង ៣០ ឆ្នាំផ្លាយរូបនេះ បានបន្ថែមថា ដើម្បីក្លាយជាបេក្ខជន Local Guides ដែលត្រូវបាន Google ជ្រើសរើសឲ្យចូលរួមប្រចាំឆ្នាំដែលធ្វើឡើងនៅ ការិយាល័យកណ្ដាលGoogle ដែលមានទីតាំងនៅសហរដ្ឋអាមេរិកតែម្ដង(Google Headquater)។ គឺអ្នកត្រូវបំពេញលក្ខខណ្ឌមួយចំនួនដូចជា ត្រូវធ្វើវីដេអូយ៉ាងខ្លីត្រឹម ១ នាទីនិយាយពីគោលបំណងដែលអ្នកចង់ឱ្យសហគមន៍ Local Guides របស់អ្នកមានការប្រសើរឡើងជាងមុន។

អ្នកត្រូវមានពិន្ទុចាប់ពី ៥០០ ឡើង(Level 5) លើកម្មវិធី google Local Guides ហើយត្រូវចូលរួមប្រជុំ ឬធ្វើជាអ្នកសម្របសម្រួលសហគមន៍ Local Guide ឱ្យបានច្រើន ចូលចិត្តដៅតំបន់ដាក់លើ Google Map ចូលចិត្តReview តំបន់ដែលធ្លាប់បានទៅនិងជួយកែប្រែកំហុសដែលគេធ្លាប់បានដៅពីមុនឱ្យត្រឹមត្រូវវិញ។

កម្មវិធី Google Local Guides ជាកម្មវិធីមួយដែល Google អនុញ្ញាតឲ្យអ្នកទាំងអស់គ្នាដែលចូលចិត្តប្រើ Google Map អាចធ្វើការដៅទីតាំងកន្លែងដែលអ្នកកំពុងស្ថិតនៅ ផ្ដល់ព័ត៌មានខ្លីៗពីទីតាំងនោះ និងផ្ដល់ពិន្ទុដល់ទីតាំងនោះដូចទៅនឹងមុខងារ CheckIn ឬ Review នៅលើ Facebook ដែរ។

លោក មួន ចំណាន ក្នុងកម្មវិធីចែករំលែកចំណេះដឹង Local Guides ដល់យុវវ័យខ្មែរនៅ BarCamp ខេត្តបន្ទាយមានជ័យ

លោកបានលើកទឺកចិត្តឲ្យថា យុវវ័យដែលនិយមចូលចិត្តទៅដើរកម្សាន្តនៅតាមតំបន់រមណីយដ្ឋាន ឬតំបន់ទេសចរណ៍ស្អាតៗក្នុងស្រុក គួរតែបង្កើតគណនី Google Local Guides មួយហើយថតរូបទាំងនោះដាក់បញ្ចូលក្នុង Google Map និងផ្ដល់ពិន្ទុឬវាយតម្លៃទីនោះ (Rate) ដើម្បីជាការទាក់ទាញភ្ញៀវ ទេសចរណ៍បរទេសឱ្យមកទស្សនាកាន់តែច្រើន ព្រោះភាគច្រើន ពួកគេ(បរទេស)ស្វែងរកព័ត៌មានពីតំបន់ទេសចរណ៍ដ៏មានសក្តានុពលទាំងនោះតាមរយៈ Google Maps៕