ឡៅ ចន្រ្ទា និយាយអ្វីខ្លះក្រោយប៉ះ Changpuak យប់មិញនៅ កោះពេជ្រ

2018-11-22 07:01:20
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកលេងគុនខ្មែរ ឡៅ ចន្រ្ទា ថាជើងខ្លាំងថៃ Changpuak ផ្លែធ្ងន់ ល្អទាត់ និងកណ្ដាប់ដៃ ហើយសប្បាយចិត្តដែលបានប្រកួតជាមួយជើងខ្លាំងរបស់គេ ដែលមានប្រវត្តិប្រកួតច្រើន ធ្លាប់ប្រឡូកកម្មវិធីធំៗ។

កីឡាករ Chanpuak(ជេស្ដា)

ចន្រ្ទា បានឲ្យដឹងថា សម្រាប់ការប្រកួតម្សិលមិញនេះមានការលំបាកខ្លាំង ព្រោះប៉ះគេល្អដែរ។ ចំពោះស្នៀតប្រយុទ្ធវិញ Changpuak(ជេស្ដា) ម្នាក់នេះ គេចេញធ្ងន់ ដូចជាកណ្ដាប់ដៃ ទាត់ជាដើម ហើយការចូលឡាំក៏ល្អដូចគ្នា។

សិស្សគុនមកពីឆត្រយោងខាងលើនេះបន្ថែមថា ចំពោះកម្លាំងកីឡាករថៃនេះវិញក៏មិនសូវពេញប៉ុន្មានដែរទេ គឺអស់ចុងទឹក ប៉ុន្តែនៅតែមានទឹកចិត្តរហូត។ បងប្រុស ឡៅ ចិត្រា ម្នាក់នេះក៏សរសើរ ថៃខាងលើថា ត្រូវនិងស្នៀតរបស់ខ្លួនច្រើនយ៉ាងណាក៏នៅតែមិនស្រុតដដែល។ ការប្រកួតមួយនេះ វាបានផ្ដល់បទពិសោធច្រើនដល់ខ្លួន ដើម្បីដកស្រង់បច្ចេកទេសបន្ថែមទៀត ដើម្បីឈានទៅប្រឡូកក្នុងសង្វៀនធំៗនៅពេលខាងមុខទៀត។

ឡៅ ចន្រ្ទា(ក្រហម) Changpuak(ខៀវ)

រំលឹកដែរថា យប់មិញនេះ ឡៅ ចន្រ្ទា ឈ្នះពិន្ទុកីឡាករថៃ Changpuak(ជេស្ដា) នៅសង្វៀនទូរទស្សន៍ TOWN ក្នុងកម្មវិធីប្រដាល់មិត្តភាពអន្តរជាតិអបអរពិធីបុណ្យអុំទូកថ្ងៃទី១ ឯទីក្រុងកោះពេជ្រ។ ជើងខ្លាំងថៃខាងលើនេះ ជាអ្នកប្រដាល់ខ្លាចាស់ ដែលមានសមត្ថភាពល្អ និងវ៉ៃតាំងពីជំនាន់ កែវ រំចង់ ឡៅ ស៊ីណាត ដែលជាបងប្រុស ចន្រ្ទា ជាដើម៕