រឿងរ៉ាវនៅពីក្រោយទំនាក់ទំនងរវាងកីឡដ្ឋាន Espanyol ជាមួយអ្នកគាំទ្រ
- 2018-12-05 01:10:59
- ចំនួនមតិ 0 | ចំនួនចែករំលែក 0
រឿងរ៉ាវនៅពីក្រោយទំនាក់ទំនងរវាងកីឡដ្ឋាន Espanyol ជាមួយអ្នកគាំទ្រ
ចន្លោះមិនឃើញ
Espanyol មានអ្នកគាំទ្រដ៏ខ្លាំងក្លា និងសកម្មបំផុតមួយនៅក្របខ័ណ្ឌកំពូលរបស់អេស្ប៉ាញ ដែលគ្រប់គ្នាស្គាល់ថាជា La Liga។
ពួកគេគឺជាតំណាងមួយផ្នែកឲ្យប្រជាជនកាតាឡាន់ ដែលស្ថិតនៅក្នុងទីក្រុងបាសេឡូណា។ ពួកគេជាអ្នកគាំទ្រក្លឹបដែលមានវ័យចំណាស់ជាងគេទី៣នៅអេស្ប៉ាញ បើទោះជាកីឡដ្ឋានចំណុះជាង៤ម៉ឺននាក់របស់ Espanyol ទើបតែមានអាយុ៩ឆ្នាំ ក៏ដោយ។
ទោះមានវ័យក្មេងប៉ុន្តែកីឡដ្ឋានដែលមានឈ្មោះថា RCDE Stadium បានផ្សារភ្ជាប់ទំនាក់ទំនងដ៏ល្អជាមួយអ្នកគាំទ្រដែលមានមូលដ្ឋាននៅជុំវិញ ធ្វើឲ្យពួកគេមានអារម្មណ៍ថាក្លឹបនេះ គឺលើសពីក្លឹបបាល់ទាត់ធម្មតា។ អ្វីដែលកាន់តែពិសេស Espanyol គឺជាក្លឹបបាល់ទាត់មួយក្នុងចំណោមតែ៣ប៉ុណ្ណោះ ដែលមានកន្លែងសម្រាប់រម្លឹកដល់អ្នកគាំទ្រដែលបានស្លាប់ទៅ។
កន្លែងមួយដែលគេឲ្យឈ្មោះថា Espai Memorial RCDE អាចឲ្យអ្នកគាំទ្រចារឈ្មោះសាច់ញាតិបងប្អូនសាច់ញាតិដែលបានស្លាប់ទៅនៅក្នុងបរិវេណរបស់កីឡដ្ឋាន ដែលទីនោះមាន៣ជាន់ និងមានទំហំ១ពាន់ម៉ែត្រការ៉េ។ ត្រង់នេះបញ្ជាក់ថាក្លឹបបានខ្វល់ខ្វាយទាំងអ្នកគាំទ្រដែលនៅមានជីវិត និងអ្នកគាំទ្រដែលបានចាកឆ្ងាយពីពួកគេ៕