ក្រុមកីឡាតុងហ្គីលម៉ូដូ៩រូបទន្ទឹងប្រាក់រង្វាន់ដល់ពេលនេះជិត២ឆ្នាំ

2019-03-20 03:43:41
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមកីឡាករ-កីឡាការិនី តុងហ្គីលម៉ូដូ ចំនួន ៩ រូប កំពុងទន្ទឹងរង់ចាំប្រាក់រង្វាន់ដែលខ្លួន ឈ្នះមេដាយពីព្រឹត្តិការណ៍ Asian Tong il Mo Do Championship 2017 នៅឈៀងម៉ៃប្រទេសថៃកាលពីខែសីហា។

កីឡាករ-កីឡាការិនី

ក្រុមកីឡាករទាំង៩ពេលនេះកំពុងទន្ទឹងរង់ចាំប្រាក់រង្វាន់លើកទឹកចិត្តរបស់ខ្លួន ដែលបានចេញទៅប្រកួតព្រឹត្តិការណ៍ខាងលើ។ រហូតមកដល់ពេលនេះពូកគេមិនទាន់ដឹងច្បាស់ថា អាចទទួលបានប្រាក់រង្វាន់ឬយ៉ាងណានោះទេ។ ជាងនេះទៅទៀតគេក៏មិនបានដឹងពីមូលហេតុដែលនាំឲ្យរង់ចាំយូរនេះដែរ។

ជាមួយគ្នានោះឯកឧត្ដម អ៊ុក សិទ្ធិជាតិ អគ្គនាយកនៃអគ្គនាយកដ្ឋានកីឡា ពន្យល់រឿងនេះថា ប្រាក់រង្វាន់ដែលកីឡាករ-កីឡាការិនីទាំងនោះឈ្នះ នឹងទទួលបានការលើកទឹកចិត្ត ១០០ % បើសិនពួកគេបានរៀបចំឯកសារមុនពេលចេញទៅប្រកួតត្រឹមត្រូវតាមគោលការណ៍។ ប៉ុន្តែបើសិនមិនបានរៀបចំត្រឹមត្រូវតាមគោលការណ៍ទេ នោះគឺមិនបានឡើយ។

ទាក់ទងរឿងឯកសាររៀបចំចេញទៅប្រកួតនេះ លោក ចំរើន សុផល អគ្គលេខាធិការសហព័ន្ធមិនអាចទាក់ទងបានទេ ពីព្រោះជាប់បំពេញភារកិច្ចនៅក្រៅប្រទេស។ ស្របពេលលោក ឈួន ចន្ថា គ្រូបង្វឹកប្រភេទកីឡាមួយនេះបានបញ្ជាក់មកកាន់ Sabay យ៉ាងច្បាស់ថា លោកបានប្រឹងប្រែងសាកសួរទៅកាន់ថ្នាក់ដឹកនាំម្ដងហើយម្ដងទៀត ដើម្បីចង់ឲ្យមានការលើកទឹកចិត្តដល់កីឡាករ-កីឡាការិនីរបស់ខ្លួន។ ចំណែករឿងឯកសារលោកបានអះអាងថា គឺត្រឹមត្រូវ ១០០ % ដោយឆ្លងកាត់អគ្គនាយកដ្ឋានកីឡា។

សូមទស្សនាវីដេអូខាងក្រោម៖