Kenneth Ma កាន់តែទាក់ទាញខ្លាំងក្នុងរឿង «តាក់ស៊ីចាប់ខ្មោច»

2019-03-27 02:15:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ទស្សនិកជនដែលបានទស្សនារឿង «តាក់ស៊ីចាប់ខ្មោច» ប្រាកដជាបានដឹងថារឿងមួយនេះមានឈុតឆាកដ៏ជក់ចិត្តជាច្រើន ទើបស័ក្ដិសមជាសមិទ្ធផលដែលទទួលពានរង្វាន់ជាសាច់រឿងល្អ ប្លែកប្រចាំឆ្នាំ។

ឈុតឆាក មានលាយឡំជាមួយអភិនិហា ខ្មោច ព្រាយ បិសាច យុទ្ធសិល្ប៍និងភាពកំប្លុកកំប្លែងមិនចេះរីងស្ងួត។

រឹតតែពិសេសគឺតួអង្គគួរអោយចាប់អារម្មណ៍ខ្លាំងជាងគេនៅក្នុងរឿងនេះគឺ Keneth Ma សម្តែងជាតួឈ្មោះម៉ាជឺ និងជាអ្នករត់តាក់ស៊ីក៏ ជាតួអង្គដែលចូលចិត្តខ្ចីលុយគេ និងប្រើសម្លៀកបំពាក់ចាស់ៗ។ សម្រាប់ការសម្តែងប្លង់នានាក្នុងរឿង តាក់ស៊ីចាប់ខ្មោច Kenneth Maបានសារភាពថាពិតជាមានឈុតដែលគួរអោយភ័យរន្ធត់ច្រើន ប៉ុន្តែគេបានតាំងចិត្តសម្តែងអោយបានល្អបំផុត។

តារារូបនេះបន្តថា ក្នុងនោះមានឈុតមួយដែលត្រូវថតនៅចំពេលយប់ជ្រៅ ហើយនៅតំបន់ព្រៃភ្នំទៀត ចំណែកបះសក់គឺឆាកមួយនោះតំរូវអោយរត់ជាមួយតុក្កតាខ្មោច មិនថារត់ទៅកន្លែងណាក៏ដោយក៏តុកត្តានោះត្រូវតែតាមទៅដល់ទីនោះជានិច្ចដែរ! សួរថា អ្នកណាមិនព្រឺសម្បុរ?

អ្វីដែលធ្វើអោយលោកកាន់តែរន្ធត់ទៀតនោះគឺលោកបានលឺគេនិយាយតៗគ្នាថា មានអ្នករត់តាក់ស៊ីម្នាក់ បានដឹកភ្ញៀវទៅដល់កន្លែងកប់ខ្មោច ហើយភ្ញៀវនោះបានហុចលុយអោយអ្នករត់តាក់ស៊ីនោះ ។ ប៉ុន្តែលុះព្រឹកឡើងលុយនោះបានក្លាយជាលុយខ្មោចទៅវិញ។ ការនិយាយតៗគ្នានេះ បានធ្វើអោយលោកស្រមៃដល់ឈុតដែលលោកនឹងត្រូវថតក្នុងរឿង «តាក់ស៊ីចាប់ខ្មោច»។