ពលរដ្ឋថៃសម្ដែងការខឹងសម្បារ ក្រោយខ្យល់ព្យុះធ្វើឲ្យដាច់ភ្លើងមួយយប់នៅបាងកក
- 2019-04-23 06:37:22
- ចំនួនមតិ 0 | ចំនួនចែករំលែក 0
ពលរដ្ឋថៃសម្ដែងការខឹងសម្បារ ក្រោយខ្យល់ព្យុះធ្វើឲ្យដាច់ភ្លើងមួយយប់នៅបាងកក
ចន្លោះមិនឃើញ
ប្រជាជនថៃភាគច្រើនក្នុងទីក្រុងបាងកក បានប្រឈមមុខនឹងភាពក្ដៅស្អុះស្អាប់ខ្លាំងកាលពីយប់មិញក្រោយពេលដែលខ្យល់ព្យុះមួយធ្វើឲ្យដាច់ភ្លើងនៅតំបន់ជាច្រើន។
យោងតាម Morning News ឲ្យដឹងថាប្រជាជនថៃជាច្រើននាក់ បាននាំគ្នាបញ្ចេញការខឹងសម្បាររបស់ខ្លួនទៅក្នុងបណ្ដាញសង្គមហ្វេសប៊ុក និង Twitter ពាក់ព័ន្ធរឿងភ្លៀងធ្លាក់ ក៏ដូចជាការដាច់ភ្លើងកាលពីយប់មិញ។ គណនី Twitter មួយឈ្មោះ @Cnkmrs បានសរសេរថា "វាមិនត្រឹមតែមានភ្លៀងប៉ុណ្ណោះទេ តែថែមទាំងដាច់ភ្លៀងទៀតនៅសង្កាត់ Prawet។ ភ្លើងដាច់ជាងមួយម៉ោងហើយខ្ញុំពិតជាក្ដៅខ្លាំងណាស់ សង្ឃឹមថាមានការឆ្លើយតបឆាប់ៗពីខាងអគ្គិសនីក្រុង។” ជាមួយគ្នាដែរ សង្កាត់ជាច្រើនក្នុងក្រុងបាងកកដែលទទួលផលប៉ះពាល់រួមមាន Lat Phrao, Pra Khanong, Bang Na, Khlong Toei និង Phaya Thai។ យ៉ាងណាមិញ អាជ្ញាធរអគ្គិសនីក្រុងមិនបានធ្វើសេចក្ដីរាយការណ៍ណាមួយទាក់ទងនឹងបញ្ហានេះទេ។
គួរឲ្យដឹងថា ទីក្រុងបាងកកក៏ដូចជាតំបន់ជាច្រើនទៀតក្នុងប្រទេសថៃ បាននិងកំពុងទទួលរងផលប៉ះពាល់ពីរលកកម្ដៅរដូវប្រាំងដែលបណ្ដាលឲ្យមានការប្រើប្រាស់អគ្គិសនីច្រើនជាមុនដោយសារក្ដៅខ្លាំងពេក៕