Inter ចង់យក Sanchez មកអ៊ីតាលីវិញ តែទម្លាក់ប្រាក់ឈ្នួលតិចទៅព្រោះធ្លាក់ជើងហើយ
- 2019-04-26 02:22:32
- ចំនួនមតិ 0 | ចំនួនចែករំលែក 0
Inter ចង់យក Sanchez មកអ៊ីតាលីវិញ តែទម្លាក់ប្រាក់ឈ្នួលតិចទៅព្រោះធ្លាក់ជើងហើយ
ចន្លោះមិនឃើញ
ក្លឹប Inter Milan បានដាក់ការចាប់អារម្មណ៍ចង់ទិញយកខ្សែប្រយុទ្ធ Alexis Sanchez ដែលលែងជាជម្រើសរបស់ Manchester United ប៉ុន្តែទាមទារឲ្យរួបគេទម្លាក់ប្រាក់បៀវត្សរ៍របស់ខ្លួន។
កីឡាករសញ្ជាតិឈីលីវ័យ៣០ឆ្នាំទទួលបានថ្លៃនឿយហត់៥០៥ ០០០ផោនក្នុងមួយសប្ដាហ៍ ចាប់តាំងចាក់ចេញពីក្លឹប Arsenal កាលពីខែមករា ឆ្នាំ ២០១៨។ Sanchez រកបានតែ៣គ្រាប់ប៉ុណ្ណោះក្នុង Premier League ក្នុងរយៈពេលជាង១ឆ្នាំនៅ United ហើយលោក Ole Gunnar Solskjaer ក៏ចង់ធ្វើការរុះរើក្លឹបឡើងវិញនៅរដូវក្ដៅនេះ។
តាមការចុះផ្សាយរបស់ Independent បានសរសេរថា ក្លឹបយក្សនៅ Serie A គឺ Inter Milan សង្ឃឹមនឹងអាចយក Sanchez ត្រលប់មកកាន់ទឹកដីនៃប្រទេសអ៊ីតាលីវិញ ដោយកាលពីមុនរូបគេជាអតីតកីឡាកររបស់ Udinese។ ប៉ុន្តែ Inter នឹងមិនទិញ Sanchez ដាច់ខាត ប្រសិនបើគេចង់បានប្រាក់ឈ្នួលស្មើដូចនៅ United៕