វត្តមាន Falcao ផ្អើលមនុស្សបាក់ទឹកបាក់ដីជាង២ម៉ឺននាក់ទៅទទួលនៅទួរគី
- 2019-09-02 03:57:51
- ចំនួនមតិ 0 | ចំនួនចែករំលែក 0
វត្តមាន Falcao ផ្អើលមនុស្សបាក់ទឹកបាក់ដីជាង២ម៉ឺននាក់ទៅទទួលនៅទួរគី
ចន្លោះមិនឃើញ
ខ្សែប្រយុទ្ធ Radamel Falcao ត្រូវបានទទួលស្វាគមន៍ដោយអ្នកគាំទ្រ២៥ ០០០នាក់ ក្នុងដំណើររបស់គេមកដល់ទីក្រុង Istanbul កាលពីម្សិលមិញ ដើម្បីធ្វើការចុះកុងត្រាផ្ទេរមកកាន់ក្លឹប Galatasaray។
អតីតខ្សែប្រយុទ្ធរបស់ Manchester United ត្រូវបានទទួលយ៉ាងរាក់ទាក់ ពេលដែលគេមកដល់ប្រលានយន្តហោះ Ataturk Airport។ Falcao គ្រោងនឹងផ្លាស់ពីក្លឹប AS Monaco មក Galatasaray ខណៈការប្រកាសផ្លូវការនឹងធ្វើឡើងក្នុងពេលឆាប់ៗខាងមុខ។
សេចក្ដីប្រកាសមួយនៅលើបណ្ដាញសង្គម Twitter ផ្លូវការរបស់ Galatasaray បានសរសេរថា៖ "ការចរចាផ្លូវការបានចាប់ផ្ដើមជាមួយកីឡាករនិងក្លឹប AS Monaco FC លើការដោះដូរកីឡាករអាជីព Radamel Falcao ទៅកាន់ក្លឹបរបស់ពួកយើង"។
កីឡាករសញ្ជាតិកូឡុំប៊ីមិនបានបង្ហាញខ្លួនឲ្យ Monaco ឡើយក្នុងរដូវកាលនេះ ដោយសារបញ្ហារបួសកជើង។ ៣រដូវកាលចុងក្រោយជាមួយ Monaco ខ្សែប្រយុទ្ធខាងលើបានបង្ហាញសមត្ថភាពល្អគួរសម ខុសប្លែកពីអំឡុងពេលខ្ចីជើងទៅ Manchester United និង Chelsea៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
