នៅវៀតណាមចាយមិនដល់ ១០ ដុល្លារ ប្រែក្រឡា iPhone XS ទៅ iPhone 11 Pro បានងាយ

2019-10-02 02:53:03
ចំនួនមតិ 0 | ចំនួនចែករំលែក 0

ចន្លោះមិនឃើញ

ដើម្បីបំពេញតម្រូវការអតិថិជនមួយចំនួនដែលមិនចង់ឡើងសេរ៊ី និងចង់បន្តប្រើប្រាស់ iPhone សេរ៊ិចាស់ តែមានរចនាបថរូបរាងស្រដៀង iPhone ឆ្នាំ ២០១៩ ទៅមើលហាងលក់គ្រឿងបរិក្ខារទូរសព្ទនៅឯប្រទេសវៀតណាម ក៏បាននាំចូលនូវប្រភេទ Case ប្លែកភ្នែក ដែលអាចបង្វែរ iPhone X/XS និង iPhone XS Max ឲ្យមានពណ៌និងរូបរាងដូច iPhone 11 Pro។

ខ្នងក្រោយនៃសំបកទូរសព្ទនេះ គឺផលិតឡើងពីសារធាតុប្លាស្ទិកបែបរលោង និងប្រឡោះកាមេរ៉ាបញ្ឈរសម្រាប់ iPhone X/XS និង XS Max ហើយមានបង្កប់គ្រាប់កាមេរ៉ាបន្លំមួយគ្រាប់នៅក្បែរនោះ។ ជាងនេះពណ៌នៃ Case គឺច្នៃជាពណ៌ Midnight Green ដែលជាពណ៌តួឯកលើ iPhone ឆ្នាំ ២០១៩។

ចំពោះតម្លៃ Case ប្រភេទនេះ សម្រាប់ប្រើប្រាស់ជាមួយ iPhone X និង XS មានតម្លៃ ២០០ ០០០ ដុងឬប្រហែល ៨,៦០ ដុល្លារ ខណៈសម្រាប់ iPhone XS Max ថ្លៃ ២៥០ ០០០ ដុងឬប្រហែល ១០,៧៥ ដុល្លារ៕

អានអត្ថបទ:

ប្រភព៖ Zing ប្រែសម្រួល៖ កៅ រក្សា