អាមេរិកលេងធម៌ក្តៅ បិទឲ្យកម្មវិធីទាំងអស់របស់ Adobe ឈប់ដំណើរការក្នុងប្រទេសមួយ

2019-10-10 04:24:54
ចំនួនមតិ 0 | ចំនួនចែករំលែក 0

ចន្លោះមិនឃើញ

ការបើកដំណើរការនូវកម្មវិធី Photoshop ក៏ដូចជាផលិតផលសេវាកម្មដទៃទៀតរបស់ក្រុមហ៊ុន Adobe ត្រូវបានកាត់ផ្តាច់ក្នុងប្រទេសវេណេហ្ស៊ុយអេឡា ឆ្លើយតបទៅនឹងការបញ្ជានៃការដាក់ទណ្ឌកម្មរបស់សហរដ្ឋអាមេរិក។

ប្រធានាធិបតីលោក Donald Trump បានសម្រេចហាមឃាត់ការធ្វើពាណិជ្ជកម្មគ្រប់បែបយ៉ាងជាមួយប្រទេសនេះចាប់តាំងពីខែសីហា ពោលជាការដាក់សម្ពាធមួយកម្រិតថែមទៀតក្នុងគោលដៅបង្ខំឲ្យប្រធានាធិបតីលោក Nicolas Maduro ចុះចេញពីតំណែង។

ដោយឡែកសម្រាប់អ្នកប្រើប្រាស់កម្មវិធីរបស់ Adobeទាំងអស់មានពេលវេលាកំណត់ត្រឹមថ្ងៃទី ២៨ តុលា ក្នុងការទាញយកទិន្នន័យសំខាន់របស់ខ្លួនមករក្សាទុក មុនពេលក្រុមហ៊ុនធ្វើការផ្តាច់ចោលលែងឲ្យគណនីទាំងអស់ដំណើរការទៅបាន។

ការប្រើប្រាស់ធម៌ក្ដៅនេះក៏មិនខុសពីទង្វើដែលបានធ្វើទៅលើប្រទេសកូរ៉េខាងជើង អ៊ីរ៉ង់ និងគុយបា ហើយអាមេរិកក៏ជាប្រទេសមួយក្នុងចំណោមប្រទេសច្រើនជាង ៥០ ដែលមិនទទួលស្គាល់លោក Maduro ជាប្រធានាធិបតីពេញសិទ្ធរបស់វេណេហ្ស៊ុយអេឡា៕

អានអត្ថបទ:

ប្រភព៖ BBC ប្រែសម្រួល៖ កៅ រក្សា