កូនកាមេរ៉ា Canon IVY REC ធូរថ្លៃត្រឹម ១២៩ ដុល្លារ មានសុទ្ធតែអាវក្រោះការពារទឹក

2019-10-16 06:29:33
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយប្រកាសពីគម្រោងផលិតលើគេហទំព័រ Indiegogo កូនកាមេរ៉ាខ្នាតតូច Canon IVY REC ក៏បានលេចចេញមុខមាត់ផ្លូវការ និងចាប់បើកលក់នៅថ្ងៃទី ១៦ តុលានេះតទៅ ជាមួយតម្លៃ ១២៩,៩៩ ដុល្លារ។

ប្រភេទកាមេរ៉ារូបរាងតូចច្រឡឹងរូបនេះ ងាយស្រួលទុកដាក់តាមខ្លួនដោយអាចកៀបជាប់នឹងចង្កេះខោឬរបស់របរដទៃទៀតជាច្រើន។ មាន Sensor ទំហំ 13MP សម្រាប់ផ្តិតយករូបភាព និងគាំទ្រការថតវីដេអូកម្រិត ១ ០៨០p លក្ខខណ្ឌ ៦០fps ជាមួយថាមពលថ្មទំហំ ៦៦០mAh ដំណើរការជាមួយប្រព័ន្ធ Bluetooth និង Wi-Fi ដែលអាចតភ្ជាប់ទៅកាន់កម្មវិធី Canon Mini Cam នៅលើស្មាតហ្វូនទៀតផង។

លើសពីនេះវាក៏មានអាវក្រោះការពារធ្លាក់នៅកម្ពស់ ២ ម៉ែត្រ និងការពារទឹកនៅជម្រៅ ២ ម៉ែត្ររយៈពេល ៣០ នាទីផងដែរ។ ស្ថិតក្នុងជម្រើស ៣ ពណ៌រួមមានបៃតង ខៀវ និងពណ៌ស៊ីជម្ពូ៕

អានអត្ថបទ:

ប្រភព៖ techxcite ប្រែសម្រួល៖ កៅ រក្សា