ទោះ​ក្រុមហ៊ុន​ធំ ៣ ដោះដៃ​ដើរ​ចេញ តែ Zuckerberg នៅ​ប្ដូរផ្ដាច់​ចេញមុខ​ការពារ Libra

  • 2019-10-24 02:02:23
  • ចំនួនមតិ 0 | ចំនួនចែករំលែក 0

ចន្លោះមិនឃើញ

រូបិយប័ណ្ណ​ឌីជីថល Libra ដែល​អភិវឌ្ឍ​ឡើង​ដោយ​ក្រុមហ៊ុន Facebook មួយ​រយៈ​ចុង​ក្រោយ​នេះ​បាន​ជួប​បញ្ហា​រកាំរកូស​ជា​ច្រើន ​ពោល​គឺ​នៅ​ពេល​ដែល​ក្រុមហ៊ុន​វិនិយោគិន​ធំៗ ៣ មាន PayPal, Mastercard និង Visa ​បាន​ប្រកាស​ដក​ខ្លួន​ចេញ​ពី​គម្រោង។

បណ្តា​ធនាគារ​និង​ស្ថាប័ន​ផ្នែក​ហិរញ្ញវត្ថុ​ជា​ច្រើន​ធ្លាប់​បង្ហាញ​ការ​ព្រួយ​បារម្ភ​ថា​ប្រព័ន្ធ​ទូទាត់​ Libra របស់ Facebook ​អាច​នឹង​បង្ក​ផល​ប៉ះពាល់​ដល់​ផ្នែក​សន្តិសុខ​ជាតិ​និង​ខ្លះ​ទៀត​ថា​ក្រុមហ៊ុន​របស់​លោក Mark Zuckerberg មិន​ទាន់​ត្រៀម​ខ្លួន​រួចរាល់​លើ​ប្រព័ន្ធ​រូបិយប័ណ្ណ​នេះ​ឡើយ។

ឆ្លើយតប​ពី​លោក Mark Zuckerberg ក៏​បាន​ចេញ​មុខ​ការពារ​និង​សន្យា​ថា​ Libra ទៅ​ថ្ងៃ​ខាង​មុខ​នឹង​ក្លាយ​ជា​ប្រព័ន្ធ​ដែល​ផ្តល់​ប្រយោជន៍​ដល់​ប្រជាជន​ក្រីក្រ​លើ​ពិភពលោក។ ស្ថាបនិក​សញ្ជាតិ​អាមេរិក​រូប​នេះ​បាន​ជឿជាក់​ថា​មនុស្ស​ប្រមាណ ១៤ លាន​នាក់​ដែល​គ្មាន​លទ្ធភាព​ក្នុង​ការ​ប្រើប្រាស់​គណនី​ធនាគារ នឹង​ទទួល​បាន​អត្ថប្រយោជន៍​ធំ​បំផុត​ពី Libra។

Mark ថ្លែង​ថា៖ "មនុស្ស​កំពុង​បង់​កម្រៃ​ឈ្នួល​ខ្ពស់​និង​ចាយ​ពេល​ច្រើន​ក្នុង​ការ​រង់ចាំ​ផ្ញើ​ប្រាក់​ទៅ​កាន់​សមាជិក​គ្រួសារ​ដែល​រស់នៅ​ក្រៅ​ស្រុក ហើយ​ប្រព័ន្ធ​សព្វថ្ងៃ​គឺ​មិន​ទាន់​បំពេញ​តម្រូវការ​នេះ​បាន​ទេ បែប​នេះ​ខ្ញុំ​ជឿ​ថា Libra នឹង​អាច​ដោះស្រាយបញ្ហា​ដែល​កំពុង​កើត​មាន​បាន​ទៅ​ថ្ងៃ​ខាង​មុខ"៕

អានអត្ថបទ:

ប្រភព៖ Zing   ប្រែ​សម្រួល៖ កៅ រក្សា