អ្នកជំនាញ ប្រាប់ពីគ្រោះថ្នាក់ការដាក់ទូរសព្ទជិតខ្លួនពេលគេងលក់

2019-11-08 09:09:03
ចំនួនមតិ 0 | ចំនួនចែករំលែក 0

ចន្លោះមិនឃើញ

យុវវ័យភាគច្រើន មុនចូលគេងតែងតែយកទូរសព្ទមកបើក Facebook ឬលេងហ្គេមអ្វីផ្សេងៗ ដើម្បីជាការកម្សាន្ត ហើយពេលពួកគេគេងលក់ ទូរសព្ទនោះនឹងដាក់នៅក្បែរខ្លួនជាមិនខាន។ ចុះបើគេងដាក់ទូរសព្ទក្បែរខ្លួនអីចឹង មានគ្រោះថ្នាក់អ្វីខ្លះទៅ?

លោក Rolly Sullivan អ្នកឯកទេសម្នាក់នៅអាមេរិក

ខាងក្រោមនេះជាការបកស្រាយរបស់អ្នកឯកទេសម្នាក់នៅអាមេរិក ស្ដីអំពីផលវិបាកដែលទទួលបានពេលគេងដាក់ទូរសព្ទក្បែរខ្លួន៖

លោក Rolly Sullivan អ្នកឯកទេសម្នាក់នៅអាមេរិកបានបកស្រាយចំពោះរឿងខាងលើនេះថា៖ "បច្ចុប្បន្ននរណាក៏ដូចនរណាដែរ តែងតែប្រើទូរសព្ទមុនចូលគេង ប៉ុន្តែពួកគេប្រហែលជាមិនដឹងថារឿងនោះ វាមានគ្រោះថ្នាក់ខ្លាំងនោះទេ។ ការដាក់ទូរសព្ទនៅក្បែរខ្លួនពេលគេង ធ្វើឱ្យយើងមិនអាចគេងលក់ស្កប់ទេ អារម្មណ៍របស់យើងនឹងនៅតែទូរសព្ទនោះ។

ដូច្នេះសរីរាង្គមិនអាចផលិតមេឡានីនបានគ្រប់គ្រាន់ ធ្វើឱ្យសុខភាពចុះខ្សោយម្ដងបន្តិចៗ ដោយមិនដឹងខ្លួន។ ដល់ពេលណាមួយ យើងនឹងអាចឈានដល់កើតជំងឺនានាបាន ហើយអ្វីដែលគួរឱ្យខ្លាចបំផុតនោះគឺមហារីកតែម្ដង”។

ក្រោយពីពន្យល់ពីផលវិបាកហើយ លោក Rolly ក៏ប្រាប់ពីវិធីប្រើទូរសព្ទកុំឱ្យប៉ះពាល់ដល់សុខភាពផងដែរថា៖ "យើងអាចប្រើទូរសព្ទមុនចូលគេងបាន ប៉ុន្តែបន្ទាប់ពីនោះត្រូវតែបិទវាចោល ហើយដាក់ឱ្យឆ្ងាយពីកន្លែងគេងបន្តិច។ ពេលយើងធ្វើដូច្នេះអារម្មណ៍យើងមិននៅជាប់នឹងទូរសព្ទទៀតទេ ទើបអាចគេងលក់ស្រួលបាន”៕

ចុចអាន៖

ប្រភព៖ crackerdaily ប្រែសម្រួល៖ មុន្នី រម្យ