Axon 10s Pro ស្មាតហ្វូន 5G កម្រាស់ស្តើងបំផុត ប្រើឈីប SD865 ធូរថ្លៃត្រឹម ៤៥០ ដុល្លារ

2019-12-18 01:33:18
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន ZTE បានបង្ហាញព័ត៌មានជាផ្លូវការជុំវិញស្មាតហ្វូន Axon 10s Pro ដែលមានប្រើប្រាស់ប្រព័ន្ធ 5G និងបន្ទះឈីបជំនាន់ចុងក្រោយ Qualcommn Snapdragon 865។ ការដាក់លក់នឹងធ្វើឡើងនៅអំឡុងដើមឆ្នាំ ២០២០ ខាងមុខជាមួយតម្លៃប្រហែល ៣ ០០០ យន់ឬខ្ទង់ ៤៥០ ដុល្លារ។

ស្មាតហ្វូននោះបានលេចវត្តមានក្នុងដៃរបស់នាយកប្រតិបត្តិផ្នែកទូរសព្ទចល័តលោក Feng Xu នៅឯក្រុមហ៊ុន ZTE ដែលរូបរាងរបស់វាដូចបេះដាក់ទៅនឹងគំរូ Render ដែលបានលេចធ្លាយកន្លងមក។

ZTE ជំនាន់ចុងក្រោយនេះមានប្រើប្រាស់នូវ RAM ប្រភេទ LPDDR5 ជាមួយមុខងារ Z-Booster 2.0 ដែលជួយពន្លឿនល្បឿនស្មាតហ្វូនតាមរយៈ App-Booster និង System-Booster បន្ថែមនឹងផ្ទៃកម្មវិធី MiFavor 10 OS ស្របជាមួយប្រព័ន្ធ Android 10។

ដំណើរការប្រព័ន្ធ 5G របស់ Axon 10s Pro អ្នកអាចធ្វើការកំណត់ឲ្យបិទបើកបាន ផ្អែកទៅតាមតំបន់ដែលគាំទ្រប្រព័ន្ធថ្មីនេះឬអត់។ ចំណុចរសើបមួយផ្សេងទៀតគឺទាក់ទិននឹងកម្រាស់ខ្លួនគឺមានត្រឹម ៧,៩ មិល្លីម៉ែត្រ ពោលជាស្មាតហ្វូន 5G ស្តើងបំផុតនៅលើទីផ្សារបច្ចុប្បន្ន ខណៈទម្ងន់ខ្លួនស្រាលត្រឹម ១៧៥ ក្រាម៕

អានអត្ថបទ:

ប្រភព៖ GSMarena ប្រែសម្រួល៖ កៅ រក្សា