គេចចេញពីទីក្រុងអ៊ូអរ មកលេងកោះលាក់ខ្លួនមួយ ធ្លាប់បង្កប់ប្រវត្តិទាក់ទងបុគ្គលសំខាន់ម្នាក់

2020-01-31 12:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ឥណ្ឌូនេស៊ីជាប្រទេសដែលសម្បូរទៅដោយបណ្ដុំកោះច្រើនជាងគេលើពិភពលោក ហើយក្នុងចំណោមដែនកោះជាច្រើនកន្លែង ថ្ងៃនេះ Sabay សូមនាំអារម្មណ៍ប្រិយមិត្តមកស្គាល់កោះដ៏ស្រស់ស្អាត១ដែលស្ថិតក្នុងទីក្រុង ចាកាតា មានឈ្មោះថា កោះ Ayer ឬ Pulau Ayer។

កោះ Ayer ជាកោះគោលដៅធំដែរសម្រាប់អ្នកទេសចរ ដែលត្រូវការភាពស្ងប់ស្ងាត់ និងចង់ស្រូបយកអាកាសធាតុត្រជាក់ស្រស់ស្រាយ។ ជាក់ស្ដែង Pulau Ayer នៅជិតទីក្រុងជាងកោះដទៃទៀត ដូចនេះដើម្បីធ្វើដំណើរមកដល់ យើងត្រូវចំណាយពេលតែពី ២០ ទៅ២៥នាទីប៉ុណ្ណោះ ពីកំពង់ផែ Marina Harbour។

កំពង់ផែ Marina Harbour

រមណីយដ្ឋាននេះបង្កើតឡើងតាំងពីទសវត្សទី៥០ មានជាផ្ទះឈើសង់លើទឹក និងលម្អដោយផ្កា ឬដើមឈើតូចៗពេញឆ្នេរ ជាពិសេសក៏នៅមានជម្រើសផ្ទះលើគោក សម្រាប់ទេសចរជ្រើសស្នាក់យ៉ាងងាយស្រួល។ ភោជនីយដ្ឋានក៏មាននៅទីនោះ ជាហេតុអ្នកដែលទៅលេងមិនបារម្ភក្នុងការរកអីញ៉ាំ ហើយអាចរីករាយកម្សាន្តនឹងបរិយាកាសផ្សេងៗបង្កើតអរាម្មណ៍ពិសេសស្មានមិនដល់។

ទស្សនាវីដេអូខាងក្រោម៖

អ្វីដែលជារឿងភ្ញាក់ផ្អើលនោះ បើរម្លឹកកាលពីអតីតកាល កោះនេះក៏ត្រូវបានគេស្គាល់ថាជាកន្លែងស្នាក់ដ៏សំងាត់មួយរបស់អតីតប្រធានាធិបតីរបស់ឥណ្ឌូនេស៊ី គឺលោក Sukarno។ ក្រៅពីជាផ្ទះស្នាក់ វាក៏ជាកន្លែងណាត់ជួបសំខាន់មួយ សម្រាប់អតីតប្រធានាធីបតីរូបនេះ ជាមួយនឹងមេដឹកនាំធំៗទាំងក្នុង និងក្រៅប្រទេស ពេលត្រូវពិភាក្សាកិច្ចការសំងាត់ផ្សេងៗ។ ងាកមកការកម្សាន្តលើកោះវិញ ក្រៅពីអាចរីករាយនឹងទេសភាពខៀវស្រងាត់ គ្រប់គ្នាក៏អាចជិះកង់ ហែលទឹកលេង ជិះម៉ូតូទឹក និង Banana Boat ជាដើម៕