Klopp មិនចង់ឃើញ Juventus ឬ Inter លើកពាន Serie A ទេ
- 2020-02-17 11:18:52
- ចំនួនមតិ 0 | ចំនួនចែករំលែក 0
Klopp មិនចង់ឃើញ Juventus ឬ Inter លើកពាន Serie A ទេ
ចន្លោះមិនឃើញ
លោក Jurgen Klopp អ្នកចាត់ការក្លឹប Liverpool បាននិយាយកាលពីពេលថ្មីៗនេះថា លោកចង់ឃើញក្លឹប Lazio លើកពានលីគកំពូលអ៊ីតាលី។
លោកបានលើកឡើងថា៖ " ខ្ញុំចង់ឃើញក្លឹប Lazio លើកពាននៅអ៊ីតាលី។ នៅទីនោះ យើងមានអតីតកីឡាករ Liverpool ម្នាក់គឺ ខ្សែបម្រើ Lucas Leiva “ ។
លោកបានបន្តថា៖ " ក្លឹបនោះក៏មាន ខ្សែប្រយុទ្ធ Ciro Immobile ក៏ធ្លាប់ជាអតីតកីឡាករខ្ញុំ កាលពីនៅ Dortmund ដែរ។ សុំទោសផង Sarri និង Conte ប៉ុន្តែខ្ញុំគិតថា Lazio នឹងធ្វើរឿងភ្ញាក់ផ្អើលហើយឆ្នាំនេះ " ។
គួរបញ្ជាក់ផងដែរថា នៅលីគកំពូលអ៊ីតាលីកំពុងតែមានការប្រកៀកប្រកិតដណ្ដើមតំណែងកំពូលតារាង ដោយក្លឹបចំនួន ៣គឺ Juventus, Lazio និង Inter Milan។ Juventus ឈរលេខ ១ មាន ៥៧ពិន្ទុ លេខ ២ Lazio មាន ៥៦ពិន្ទុ និងលេខ ៣ Inter មាន ៥៤ពិន្ទុ៕