ទិដ្ឋភាពកម្រ! ឡាន Bugatti ជួបជុំគ្នា សរុបតម្លៃជាង ៣៥លានដុល្លារ
- 2020-03-25 03:56:56
- ចំនួនមតិ 0 | ចំនួនចែករំលែក 0
ទិដ្ឋភាពកម្រ! ឡាន Bugatti ជួបជុំគ្នា សរុបតម្លៃជាង ៣៥លានដុល្លារ
ចន្លោះមិនឃើញ
Bugatti បានបង្កើតនូវការជួបជុំគ្នាដ៏កម្រមួយនៃរថយន្តកំពូលចំនួន ៦ ម៉ូដែលរបស់ខ្លួន ដែលសុទ្ធសឹងជារថយន្តកម្រ សរុបតម្លៃរបស់រថយន្តទាំង ៦ គឺមានជាង ៣៥ លានដុល្លារឯណោះ។
រូបភាពខាងលើនេះ រាប់ពីឆ្វេងមក មុនគេគឺ Chiron Pur Sport ដែលមានផលិតត្រឹម ៦០ គ្រឿងប៉ុណ្ណោះ ជាមួយតម្លៃ ៣,២ លានដុល្លារក្នុងមួយគ្រឿង។
បន្ទាប់មកគឺ Bugatti Centodieci ដែលមានកំណត់ចំនួនផលិតត្រឹម ១០ គ្រឿង ហើយមួយគ្រឿងៗមានតម្លៃខ្ទង់ ៨,៦ លានដុល្លារ។
ម៉ូដែលបន្ទាប់គឺ Bugatti Chiron Super Sport 300+ ដែលជាប្រភេទរថយន្តផលិតលក់លើទីផ្សារមានល្បឿនលឿនជាងគេរហូតដល់ ៤៨៩ គ.ម/ម៉។ រថយន្តនេះមានផលិតត្រឹម ៣០ គ្រឿងប៉ុណ្ណោះ ជាមួយតម្លៃ ៣,៧ លានដុល្លារក្នុងមួយគ្រឿង។
នៅក្បែរ Chiron Super Sport 300+ គឺជា La Voiture Noire ដែលជារថយន្ត Bugatti តម្លៃថ្លៃបំផុតមានតម្លៃប្រមាណ ១១,៨ លានដុល្លារ (មិនទាន់គិតពន្ធ) ហើយក្នុងលោកនេះមានតែមួយគ្រឿងគត់។
បន្ទាប់ពីនោះមកគឺ Bugatti Divo ដែលមានផលិតត្រឹមតែ ៤០ គ្រឿង ហើយមួយគ្រឿងៗមានដាក់លក់តម្លៃប្រមាណ ៥,៤ លានដុល្លារ។
ចុងក្រោយគេគឺ Bugatti Chiron Sport ដែលជា Option ពិសេសមួយនៃ Bugatti Chiron ធម្មតា ដែលមានប្រមាណ ២,៨ លានដុល្លារ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
