កាលពីពេលកន្លងមក Sabay ធ្លាប់បង្ហាញពីការដាំដុះប្រព័ន្ធដំណាំលើទឹក ឬហៅថា ប្រព័ន្ធហាយដ្រូផូណិក ដែលជាបច្ចេកទេសថ្មី អាចច្នៃដាំដុះបានច្រើនប្រភេទ ប៉ុន្ដែប្រសិនបើយើងអាចដំឡើងប្រព័ន្ធហាយដ្រូផូណិក បានហើយក្ដី ក៏ដំណាំរបស់យើងដុះមិនបានល្អដែរ ប្រសិនបើមិនចេះប្រើប្រាស់សារធាតុចិញ្ចឹម A & B។ អ្វីទៅជា សារធាតុចិញ្ចឹម A & B ? តើគេត្រូវធ្វើដូចម្ដេច?

សូមចុចអាន៖

• ១. តើអ្នកដឹងអំពីការដាំដំណាំ ហាយដ្រូផូណិក គេដាំបានយ៉ាងដូចម្ដេចដែរ?

• ២. តិចនិកដាំ​ស្ពៃចង្កឹះ​ ក្នុង​ធុង​ស្នោ​ ដោយ​បណ្តុះ​គ្រាប់​

• ៣. ស្វែងយល់ពីដំណាំលក្ខណៈគ្រួសារ និងអាយុកាលនៃដំណាំសួនបន្លែគ្រួសារ

សារធាតុចិញ្ចឹម A & B គឺជាជី ដែលធ្វើឲ្យដំណាំប្រព័ន្ធលើទឹកដាំដុះបានល្អ ស្លឹកខៀវស្អាត ដើមធំ និងការពារសត្វល្អិត។ នេះជាការលើកឡើងរបស់ លោក ចាវ ប៉េងណាំ គ្រូបណ្ដុះបណ្ដាលផ្នែកកសិកម្ម និងជានាយកអង្គការកសិកម្មកម្ពុជា ដែលបានប្រាប់ Sabay កាលពីពេលថ្មីៗនេះ។

«យើងមិនអាចអត់ប្រើប្រាស់សារធាតុចិញ្ចឹមនេះបានទេ បើមិនប្រើ គឺដំណាំរបស់យើងមិនអាចធំបានទេ ដំណាំមិនទទួលផលបានល្អនោះឡើយ»។ លោកគ្រូ ចាវ ប៉េងណាំ បន្ថែម។

លោកបានឲ្យដឹងទៀតថា ដើម្បីយកសារធាតុចិញ្ចឹម A&B ដាក់ដាំនៅក្នុងប្រព័ន្ធលើទឹក (Hydroponic) គឺយើងយកជី A&B ចំនួន ៣សេសេ លាយជាមួយទឹក ១លីត្រ ដែលជាកម្រិតស្ដង់ដាដ ធ្វើឲ្យដំណាំដាំដុះបានល្អ ដោយដើមធំ ស្លឹកខៀវ និងការពារសត្វចង្រៃផ្សេងៗផងដែរ៕

អត្ថបទ៖ ប៊ិន ប៊ុណ្ណា