UEFA ព្រមានសមាគមបាល់ទាត់ពីទណ្ឌកម្មធ្ងន់ធ្ងរ បើមិនលេងបញ្ចប់រដូវកាល

2020-04-24 13:31:14
ចំនួនមតិ 0 | ចំនួនចែករំលែក 0

ចន្លោះមិនឃើញ

សហព័ន្ធនៃសមាគមបាល់ទាត់ទ្វីបអឺរ៉ុប UEFA បានព្រមានសមាជិកទាំង ៥៥ ពីការលុបឈ្មោះចេញពីកម្មវិធីបាល់ទាត់របស់ UEFA ប្រសិនបើមិនលេងបញ្ចប់រដូវកាល អំឡុងពេលវិបត្តិជំងឺរាតត្បាតសកលកូវីដ-១៩។

ក្នុងលិខិតផ្ញើទៅកាន់សមាជិកទាំងអស់ គណៈប្រតិបត្តិ UEFA បានសរសេរថា ខ្លួនរក្សាសិទ្ធិគ្រប់បែបយ៉ាងក្នុងការដកឈ្មោះសមាជិក ដែលជាសមាគមបាល់ទាត់តាមប្រទេស ឬ ដែនដីណាមួយនៅអឺរ៉ុប ចេញពីកម្មវិធី UEFA ប្រសិនបើមិនលេងបញ្ចប់រដូវកាល២០១៩/២០ ឲ្យតាមពេលវេលានោះទេ។

យ៉ាងណាមិញ UEFA ក៏លើកលែងចំពោះ ២ករណីផងដែរគឺ (១) បម្រាមហាមមិនឲ្យលេងកីឡារបស់រដ្ឋាភិបាលនីមួយៗ (២) បញ្ហាហិរញ្ញវត្ថុរបស់លីគក្នុងការរៀបចំកម្មវិធីប្រកួតរបស់ខ្លួន។

គួរបញ្ជាក់ផងដែរថា អំឡុងពេលនេះដែរ មានការប្រកាសរបស់លីគកំពូលៗបាល់ទាត់មួយចំនួនដូចជា អាល្លឺម៉ង់ អេស្ប៉ាញ អំពីការវិលត្រលប់ក្នុងការប្រកួតឡើងវិញ ដោយយ៉ាងលឿនណាស់ក៏ខែក្រោយ៕

ប្រភព៖ AS English ប្រែសម្រួល៖ ហ៊ីម រស្មី