ឈិត សេរីវណ្ណថង ប៉ះ ឃឹម បូរ៉ា អាចនឹងក្លាយជាគូជក់ចិត្តប្រចាំសប្ដាហ៍នេះ

2020-04-30 04:07:23
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រកួតគ្នារវាង ឈិត សេរីវណ្ណថង និង ឃឹម បូរ៉ា នេះអាចនឹងក្លាយជាគូជក់ចិត្តបំផុតប្រចាំសប្ដាហ៍នេះនាជំនួបដណ្ដើមប្រាក់លានលើសង្វៀន CNC ។

វណ្ណថង ពេលឈ្នះ មករា

និយាយពីអ្នកប្រដាល់ទាំងពីរនាក់ខាងលើនេះគឺសុទ្ធតែអ្នកដែលមានថ្វីដៃ ស្នៀតប្រយុទ្ធល្អដូចគ្នា ខុសត្រង់ បូរ៉ា ជារៀមច្បងចូលប្រកួតគុនខ្មែរយូរជាង សេរីវណ្ណថង ប៉ុណ្ណោះ ។ ឈិត សេរីវណ្ណថង តាំងតែមានជំងឺ COVID-19 នេះមកមិនដែលបានឡើងសង្វៀនឡើយ។

ចំណែក ឃឹម បូរ៉ា វិញគឺគេប្រកួតជាហូរហែ និងធ្វើបានល្អទៀតផងដូចជាឈ្នះ លី ភា ឈ្នះ ម៉ឺន មេឃា កូនប្រុសលោក អេ ភូថង ជាដើម។ ប្អូនប្រុសរបស់ ឃឹម ឌីម៉ា រូបនេះមួយរយៈនេះល្អខ្លាំងមែនទែន ជាពិសេសកម្លាំងស៊ុហ្វ អាចតទល់បាន៥ទឹកពេញ ហើយកណ្ដាប់ដៃ និងស្នៀតឆក់ទាត់រឹតតែរហ័ស។

បូរ៉ា ពេលវ៉ៃនៅថៃ

ងាកមកនិយាយពីអ្នកប្រដាល់មកពីបាត់ដំបង ឈិត សេរីវណ្ណថង វិញម្ដង គេជាអ្នកប្រដាល់ដែលមានភាពឆ្លាតវៃមួយរូប។ រាល់ការប្រកួតមិនថាជួបអ្នកខ្លាំងប៉ុណ្ណាក៏អ្នកប្រដាល់រូបនេះ រួមនិងឪពុកអាចរកវិធីវ៉ៃបានដែរជាក់ស្ដែងដូចការប៉ះជាមួយថៃល្អៗពីមុនអញ្ចឹង។ ការចេញស្នៀតមួយៗគឺយកពិន្ទុ ឬផ្ដួលដៃគូតែម្ដង។ ដូច្នេះកុំភ្លេចរង់ចាំទស្សនាការប្រកួតរវាង ឈិត សេរីវណ្ណថង និង ឃឹម បូរ៉ា នៅថ្ងៃសៅរ៍ចាប់ពីម៉ោង ២រសៀល តទៅនៅសង្វៀន CNC សប្ដាហ៍នេះ ៕

អត្ថបទ៖ នួន ស៊ីណា